Samfélagsmiðlar

Farmiðakaup út úr ráðuneytunum

kef innritun

Brátt verður leitað tilboða í kaup Stjórnarráðsins á farseðlum. Í framhaldinu verða gerðar miklar breytingar á því hvernig flugmiðar starfsmanna ráðuneytanna eru bókaðir. Brátt verður leitað tilboða í kaup Stjórnarráðsins á farseðlum og í framhaldinu verða gerðar umtalsverðar breytingar á því hvernig flugmiðar starfsmanna ráðuneytanna eru bókaðir.
Síðar í þessum mánuði er áformað að kynna útboð á farmiðakaupum Stjórnarráðsins en undir það heyra öll ráðuneytin. Þetta verður í fyrsta skipti síðan í ársbyjun 2011 sem hið opinbera býður út kaup sín á flugsætum en þá skiluðu Icelandair og Iceland Express inn tilboðum og var samið við bæði félög. Ári síðar komst kærunefnd útboðsmála að þeirri niðurstöðu að verulega miklu hefði munað á kjörum félaganna tveggja og að ekki hefði átt að taka tilboði Icelandair. Iceland Express hætti hins vegar starfsemi nokkrum mánuðum eftir úrskurð kærunefndar.

Þjálfa starfsmann í flugbókunum

Síðustu misseri hafa forsvarsmenn WOW air og Félags atvinnurekenda þrýst á um nýtt úboð og í fyrra úrskurðaði kærunefnd útboðsmála að farmiðakaup ríkisins væru það umfangsmikil að leita skyldi tilboða í þau á ný. Í framhaldinu hefur verið unnið að nýju útboði en aðeins á flugsætum fyrir starfsmenn ráðuneytanna og verður það kynnt síðar í þessum mánuði. Samkvæmt svari frá fjármálaráðuneytinu, við fyrirspurn Túrista, þá verður innleitt nýtt verklag í kjölfar útboðsins og munu þá öll farmiðakaup færast frá ráðuneytunum sjálfum yfir í rekstrarfélag Stjórnarráðsins þar sem þjálfaður verður upp starfsmaður í bókun farseðla. Sá mun vinna eftir samræmdu verklagi sem miðar að því að ná sem mestri hagkvæmni út úr þessum þætti starfseminnar. Í dag sér hvert ráðuneyti um sín farmiðainnkaup og er verkið þá á borði starfsmanna þar innhúss en pantanir eru gerðar á grundvelli ferðabeiðna sem eru háðar samþykki yfirmanna.

Ríkisstofnanir í næstu umferð

Með því að færa bókanir út úr ráðuneytunum má segja að meiri fjarlægð skapist milli þess sem ferðast og þeirra sem bóka farmiðana. Það er líka útlit fyrir að hægt verði að velja úr farmiðum með fleiri félögum en áður því líkt og Túristi greindi frá þá er töluverður áhugi á útboðinu meðal forsvarsmanna nokkurra þeirra erlendu flugfélaga sem hingað fljúga allt árið um kring. Það er því ekki öruggt að íslensku flugfélögin verði ein um hituna líkt og í útboðinu fyrir fimm árum síðan.
Í kjölfar útboðsins á farmiðakaupum stjórnarráðsins er ætlunin að unnið verði að sambærilegri útfærslu fyrir stofnanir ríkisins samkvæmt því sem segir í tilkynningu fjármálaráðuneytisins frá því í janúar.

Nýtt efni

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …