Samfélagsmiðlar

369 milljónir túrista fyrstu fjóra mánuði ársins

Það eru ekki bara Íslendingar sem eru meira á ferðinni því á heimsvísu fjölgaði ferðamönnum um 6 prósent. Norður-Evrópu nýtur áfram mikilla vinsælda.

ferdamenn cataratas do iguacu brazil henrique felix

Hér á landi fölgaði ferðafólki um rúmlega helming á fyrsta þriðjungi ársins samkvæmt talningu Ferðamálastofu og nam fjöldin nærri 606 þúsundum. Á heimsvísu voru ferðamennirnir hins vegar 369 milljónir á þessu tímabili sem er aukning um 21 milljón frá sama tíma í fyrra samkvæmt nýrri úttekt ferðamálastofnunnar Sameinuðu þjóðanna. Hlutfallslega nemur viðbótin sex af hundraði og líkt og síðustu ár er vöxturinn einna mestur í norðurhluta Evrópu eða 9 prósent. Þar leggur Ísland sitt að mörkum eins og tölurnar hér að ofan sýna þó vissulega sé íslenski markaðurinn lítill í evrópskum samanburði.

Af tölunum að dæma þá hefur ferðaþjónustan í löndum eins og Frakklandi og Belgíu náð sér á strik en hryðjuverk drógu úr áhuga ferðafólks á þessum svæðum í fyrra. Og sömu sögu er að segja af norðurhluta Afríku þar sem túristum fjölgaði um nærri fimmtung í janúar til apríl. Viðbótin í Suður-Ameríku var tvöfalt meiri en í Norður-Ameríku (3%) og þar gætir kannski áhrifa Donald J. Trump, Bandaríkjaforseta, en ferðafrömuðir vestanhafs hafa sagt að aðgerðir forsetans og orðræða muni draga úr áhuga útlendinga á að heimasækja Bandaríkin.

Íslendingar á ferðinni

Það eru ekki aðeins fleiri sem koma til Íslands nú en áður því ferðagleði Íslendinga sjálfra er í hæstu hæðum þessi misserin. Þannig flugu um 175 þúsund Íslendingar frá Keflavíkurflugvelli fyrstu fjóra mánuði ársins og ef miðað við þann fjölda þá hafa Íslendingar sjálfir staðið undir um 0,05 prósent af ferðamannastraumnum í heiminum. Hlutfallið er þó eitthvað hærra enda margir Íslendingar búsettir út í heimi og fara því ekki um Keflavíkurflugvöll þegar þeir fara til útlanda. Á móti kemur að Íslendingar búsettir út í heimi eru taldir sem heimamenn í talningu Ferðamálastofu á Keflavíkurflugvelli.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …