Kaffið er betra í Róm en Mílanó

Ítalir eru rómuð kaffiþjóð og sumum þykir aðeins kaffið sem þaðan kemur vera boðlegt. Metnaðurinn í stétt kaffibarþjóna landsins er mikill og því er kaffisopinn næstum því alls staðar góður. Meira að segja á slöppustu kaffihúsunum.

Á hverju ári stendur tímaritið Autoconsumo fyrir könnun á því hvort espressó-ið sé betri í Róm eða Mílanó. Í ár báru Rómverjar sigur úr býtum og kaffihúsið Caffé Colonna var valið það besta í borginni. En tíu kaffihús á hvorri borg fyrir sig komast á sérstakan heiðurslista Autoconsumo þegar niðurstöður könnunarinnar eru birtar.
Þeir sem eiga leið um Róm og langar í kaffi ættu því að ganga að gæðunum vísum á Caffé Colonna í Galleria Sordi við Piazza Colonna.

Þýðing á helstu kaffidrykkjunum sem finna má á kaffihúsum Ítalíu:

Espresso : Eða Caffe eins og heimamenn kalla það. 3 oz (88 ml) af sterku kaffi, með bronslitaðri froðu.
Doppio : Tvöfaldur espresso
Ristretto: Espressó með minna vatni og blandan er því ennþá sterkari.
Lungo eða Caffe Americano: Bragðminni espressó enda blandaður með meira vatni en hefðbundinn espressó.
Macchiato: Espressó með örlítlu magni af heitri mjólk ofan á.
Corretto: Espressó með smá áfengi. Oftast grappa, koníaki eða sambuca..
Cappuccino: Espressó með mjólk. Jafn mikið magn af espressó, heitri mjólk og mjólkurfroðu.
Cappuccino scuro: Cappuccino með minni mjólk en hefðbundinn Cappuccino.
Cappuccino chiaro: Cappuccino með meiri mjólk en hefðbundinn en þó minni mjólk en í Caffe Latte.
Caffe’ latte: Espressó með meiri mjólk en cappuccino en aðeins lítið magn af froðu. Á Ítalíu er Latte helst drukkið á morgnana.
Latte macchiato: Espressó er bætt útí heita mjólk.

Heimild: www.lifeinitaly.com

Ný þota væntanleg til Akureyrar í dag

Seinka varð flugi Niceair frá Kaupmannahöfn til Akureyrar í gær þar sem þotan sem félagið er með á leigu var kyrrsett vegna deilu leigusala og eigenda flugvélarinnar samkvæmt frétt Mbl. Þotunni var svo flogið tómri til Írlands seinnipartinn í gær en farþegar Niceair flugu til Akureyrar með annarri leiguvél. Á morgun er á dagskrá ferð … Lesa meira

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.