Samfélagsmiðlar

Lokar besta veitingastað í heimi

Kokkurinn á El Bulli hefur fengið nóg. Þrátt fyrir að vera uppbókaður allt árið, handhafi þriggja Michelin stjarna og margsinnis sagður besti matreiðslumaður í heimi ætlar hann að loka staðnum sínum í tvö ár.

Úr eldhúsinu á El Bulli. Mynd: Wikicommons

Ferrán Adriá heitir hinn tæplega fimmtugi Spánverji sem galdrað hefur fram rétti sem eiga sér enga hliðstæðu. Maturinn á El Bulli í nágrenni Barcelona á Spáni er mjög sérstakur. Hráefnið er oftar en ekki erfitt að þekkja í sjón en aftur á móti er bragðið af því kunnulegt. Adriá lætur sér nefnilega ekki nægja að sneiða, rífa eða bræða ostinn heldur eyðir hann miklum tíma á rannsóknarstofu sinni til að geta breytt ostinum í púður, ravíólinu í súpu og búa til trufflu cappuccino. Vegna þessarar öfgafullu tilraunastarfsemi hefur hann verið gagnrýndur fyrir látalæti en bragðlaukar heimsins virðast engu að síður vera sammála um að maturinn sé stórkostlegur. El Bulli er því einn af sárafáum veitingastöðum í heiminum sem hlotið hafa þrjár Michelin stjörnur. En stjörnur dekkjaframleiðandans eru sennilega besta viðurkenning sem matreiðslumenn geta fengið. 

Ennþá möguleiki á borði

Það verður engin matur borinn á borð á El Bulli árin 2012 og 2013. Í viðtali við The Times lofar hann hinsvegar að árið 2014 verði ár afreka á matreiðslusviðinu. Hann segist hins vegar að núna þurfi hann góða hvíld því vinnudagarnir hafi verið langir síðustu tuttugu og fimm ár. Þeir sem vilja komast í mat hjá Adrián eiga möguleika á að panta sér borð á næsta ári en opnað verður fyrir borðapantanir síðar á árinu. Það er hins vegar vissara að vera tilbúin þegar opnað verður fyrir pantanir því alla jafna verður uppselt  á nokkrum mínútum. Svo miklar eru vinsældirnar El Bulli.

Hér má lesa mola af Jonas.is um þessi tíðindi af El Bulli.

TENGT: Vegvísir Túrista um Barcelona

MEIRA: Gott kaffi í Gautaborg

 

 

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …