Samfélagsmiðlar

Flottustu flugstöðvarnar

Fyrstu kynni geta skipt sköpum og flugstöðvar eru sá staður sem langflestir ferðamenn koma fyrst á í nýju landi. Sem betur fer leggja margar þjóðir mikið upp úr því að taka vel á móti gestum sínum og hafa þvi byggt glæsileg mannvirki utan um flugvallarstarfssemina. Ferðatímaritið Travel + Leisure kallaði nýverið til sín sérfræðinga til að fá úr því skorið hvaða flugstöðvar í heimi væru best heppnaðar.

Þessar flugstöðvar byggingar þóttu bera af:

Terminal 3, Pekingflugvelli, Kína: Þessi þriggja kílómetra langa bygging sækir form sitt til dreka og var tekinn í notkun fyrir ólympíuleikanna í borginni árið 2008. Flugstöðin er hugsuð sem einskonar hlið að alþýðulýðveldinu Kína. 

Terminal 4, Barajas flugvelli í Madríd, Spáni: Þau í Madrid eiga sér þann draum að Barajas verði sá flugvöllur í Evrópu sem flestir fara um. Loftið er þakið bambusviði sem gerir bygginguna mjög hlýlega. Þetta er heimavöllur Iberia flugfélagsins.

Kansai, Osaka, Japan: Osakaflugvöllur var lengi vel stærsti flugvöllur heims í farþegum talið. Flugstöðvarbyggingin er eins og rör í laginu með mjög stórum gluggum. Pompidou safnið í París er hannað af sama arkitekt, Renzo Piano.

TWA álman á JFK flugvelli, New York, Bandaríkjunum: Um þennan hluta JFK flugvallar hefur enginn farþegi farið í næstum áratug. Það styttist þó í að þessi nærri fimmtíu ára bygging verði tekin í gagnið á nýjan leik. 

Sondika, Bilbao, Spáni: Flugstöðin gengur undir nafninu dúfan því útlit hennar þykir minna á fugl. Dagsljósið hefur greiðan aðgang inn í gegnum glæsilegan og risavaxinn glugga.

Flugvöllurinn í Denver, Bandaríkjunum: Úr fjarska líkist þakið á flugstöðinni hvítum tjaldbúðum sem smellpassar við fjöllin sem mynda bakgrunninn þegar komið er að vellinum úr austurátt. Denver flugvöllur hefur margsinnis verið valinn besti sinnar tegundar í N-Ameríku af viðskiptaferðalöngum.

Incheonflugvöllur, S-Kóreu: Byggingin er hönnuð af þeim sama og átti heiðurinn að flugstöðinni í Denver. Incheon er þekktur fyrir það að vera mjög þægilegur flugvöllur þar sem þjónustan er góð og hlutirnir virka. 

Chep Lak Kok, Hong Kong: Arkitektastofa Norman Foster á heiðurinn að þessari byggingu líkt og flugstöðinni í Peking. Honum hefur ekki tekist eins vel upp í Hong Kong en á móti kemur að flugstöðin er mjög vel skipulögð og meira að segja þeir farþegar sem ganga um hana í svefnpillumóki geti auðveldlega fundið leiðina út.

Marrakech Menara, Marokkó: Frammúrskarandi gott dæmi um hvernig tekist hefur að sameina nútímalega og hefðbundna íslamska byggingarlist. Arabísk mynstur gefa stórkarlalegum byggingunum hlýju að sögn dómnefndarinnar.

Tempelhof, Berlín, Þýskalandi: Tignarleg bygging hönnuð af hirðarkitekt Hitlers, Albert Speer. Farþegar eru hættir að ganga um salina sem bráðlega munu ganga í endurnýjun lífdaga sem einskonar menningarmiðstöð í stórum almenningsgarði því unnið er að því að tyrfa flugbrautirnar. Flugumferð til og frá Berlín fer hér eftir í gegnum flugvellina Tegel og Schönefeld.

Malvinas Argentinas, Ushuaia, Argentínu: Syðsti alþjóðlegi flugvöllur heims þykir skarta mjög fallegri flugstöð. Farþegarnir eru á leið til og frá Patagóníu og Antarktíku.

Kuala Lumpur, Malasíu: Hér er sótt í íslamskar byggingahefðir og lofthæðin er mjög mikil.

Carrasco, Montevideo, Úrúgvæ: Einföld bogalaga bygging með björtum sölum sem minna á gamlar lestarstöðvar segir í áliti Travel+Leisure.

NÝTT: Höll krónprinsins öllum opin

MEIRA: Heimsins bestu gistiheimili

 
 
Aðrar myndir: Wiki commons

Share |

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …