Samfélagsmiðlar

Vegvísir fyrir Vancouver

Það eru litlar líkur á að þjóðin eigi eftir að fjölmenna til Vancouver á ólympíuleika líkt og hún gerði til Vínarborgar þegar handboltalandsliðið var á sigurbraut. Við skulum þó ekki útiloka neitt og Túristi hefur tekið saman lista yfir það sem hæst ber í þessari kanadísku borg þegar ólympíusirkusinn er ekki í bænum.

Vancouver er af mörgum talin mest heillandi stórborgin í Kanada. Bæjarstæðið er fagurt milli fjallanna og sjávarsíðunnar og íbúarnir hafa það orð á sér að vera mikið útivistar- og íþróttafólk. Aðstaðan til að stunda heilsurækt er líka góð og veðurfarið ákjósanlegt fyrir þá sem vilja verja tímanum utandyra. Efnahagur fólks er líka almennt góður því menntunarstigið er hátt og mörg öflug fyrirtæki eru þar með starfssemi. Einnig blómstrar kvikmyndaiðnaðurinn í borginni og hún því stundum nefnd Hollywood norðursins.

Það sem er hægt að sjá og gera

Stanley garðurinn þekur næstum því helmingin af því svæði sem tilheyrir miðbænum. Hann er vel nýttur af íbúunum allan ársins hring. Í garðinum er líka sjávardýragarður og þar synda meðal annars margir sjaldséðir hvalir. The Fish house er vinsæll veitingastaður í garðinum þar sem hægt er að fá sér hádegismat eða samlokur. 

Þeir sem vilja frekar komast í evrópska stemmningu eru vel í sveit settir í hverfi sem kallast Commercial Drive og er heimavöllur elstu innflytjendanna sem rekja ættir sínar til Evrópu. Það er svolítill bóhem stimpill á hverfinu og þar er líklegast að besta kaffið sé að finna enda stöku ítalskir espressobarir á þessum slóðum.

Það er ókeypis aðgangur að listasöfnum Vancouver á meðan leikunum stendur. Vancoucer Art Gallery er eitt þeirra og opnaði nýverið sýningu tileinkaða Leonardo da Vinci.

Það er ekki ólíklegt að áhorfendur fái óstjórnlega löngun til að renna sér á skíðum eða skautum þegar þeir fylgjast með afreksfólkinu í þessum íþróttum. Fyrir þá sem ráða ekki við sig þá er skautasvell við Robson Square og skíðabrekka í Grouse Mountain

Granville eyjan lokkar til sín næstum því alla túrista sem til Vancouver koma. Í tilefni af leikunum verður mikið lagt upp úr alls kyns skemmtun á þessari litlu eyju sem er meðal annars rómuð fyrir mjög girnilegan matarmarkað sem kallast Public Market.

Verslunarleiðangur er fastur liður í utanlandsferðum langflestra. Robson Street er ágætis verslunargata og sérstaklega fyrir þá yngri á meðan þeir sem leggja meira upp úr gæðum halda til Yaletown þar sem sérverslanir og kaffihús hafa hreiðrað um sig í gömlum iðnaðarbyggingum.

Matur og drykkur

Vij´s (1480 West 11th) er mjög vinsæll indverskur veitingastaður sem meðal annars Jamie Oliver lofar í hástert. Það er ekki hægt að panta borð og það verður væntanlega þétt skipaður bekkurinn þarna í febrúar.

Chambar (562 Beatty Street) býður uppá skemmtilega blöndu af réttum mjög gjörólíka bakgrunn. Lífrænt hráefni er í hávegum haft og kokteilarnir eru víst framúrskarandi.

C Restaurant (1600 Howe Street) sérhæfir sig í að elda sjávarfang sem ekki telst vera í útrýmingarhættu. Hafa skal í huga að Greenpeace samtökin voru stofnuð í Vancouver.

Honjin (138 Davie Street) er sushi staður sem kemst víða á blað í ferðablöðum. Það er þó alls ekki víst að hægt sé að fá túnfisk sushi þar því sú tegund er víst illa leikinn eftir að sushi æðið skall á Vesturlöndum. 

Frekari upplýsingar um borgina má finna á heimasíðu ferðamálaráðs Vancouver og einnig er vegvísir CN Traveller fyrir borgina ágætur.

MEIRA: Eiffelturninn er þekktasta kennileiti í heimiHótel í eigu fræga fólksins

Bookmark and Share

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …