Samfélagsmiðlar

Endurbætur fyrir 150 milljónir á hótelherbergi

Savoy, eitt glæsilegasta hótelið í London, opnar í sumar eftir að hafa verið lokað í tvö og hálft ár vegna viðhalds. Áætlaður kostnaður við endurreisnina er talinn vera nærri fjörtíu milljarðar, í íslenskum krónum talið.

Eigendur Savoy hótelsins, sem stendur á besta stað við bakka Thames-árinnar í London, hafa kostað miklu til að hefja það upp til vegs og virðingar á nýjan leik. Þeir keyptu þetta rúmlega hundrað ára gamla hótel fyrir fimm árum síðan og lokuðu undir árslok 2007 vegna uppbyggingarinnar. Verklok voru þá áætluð ellefu mánuðum síðar. Kostnaðurinn átti að verða helmingi minni en reiknað er með að hann endi í þegar verkinu lýkur undir lok sumars.

Þrátt fyrir það er hótelstýran brött í viðtali við The Times og segist sannfærð um að þetta hafi verið góð fjárfesting hjá sádí-arabíska prinsinum Alwaleed og Lloyds bankanum. En þessir tveir aðilar borguðu álíka mikið fyrir hótelið og endurbæturnar hafa kostað. Hún segir að samkeppnin verði hins vegar hörð um hótelgesti og matargesti en Savoy er ekki síður þekkt fyrir veitingastaðinn River sem þar er til húsa. Hún tekur hins vegar fram að slakað hafi verið á kröfum um klæðaburð viðskiptavina veitingastaðarins en áður var það regla að karlmenn sem snæddu á staðnum urðu að vera í jakka og með bindi. Núna er nóg að vera snyrtilegur til fara. Í árdaga hótelsins var hins vegar galaklæðnaður skilyrði, jafnvel í hádeginu.

Það eru 268 herbergi á The Savoy, þar af sextíu og tvær svítur. Ódýrasta herbergið kostar sem samsvarar tæpum sjötíu þúsund íslenskum krónum. Konunglega svítan er hins vegar sú dýrasta en allir gluggar hennar vísa út að Thames.  

NÝTT EFNI: Barcelona bragðast betur – ódýrir veitingastaðir í borginni
TENGT EFNI: Dýrustu hótelherbergi heims

Mynd: Flickr.com / DG Jones

 

 

 

 

 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …