Frítt internet í París

Nokkrar símaklefar í París hafa gengið í endurnýjun lífdaga. Þeir eru nú útbúnir nýmóðins símtækjum með nettölvu.

Nýstárlegur símaklefi í París með nettölvu Það eru fáir nú til dags sem vippa sér inn í símaklefa til að hringja. Hvorki hér heima né í útlöndum. Í París er nýlega hafin tilraun til að glæða klefana nýju lífi. Í nokkrum þeirra hefur verið komið fyrir símtækjum með innbyggðri nettölvu. Þessi nýjung gæti reynst ferðamönnum borgarinnar vel því jafnvel í fríinu getur verið nauðsynlegt að komast á netið. Vissulega er hægt að tengjast netinu í gegnum farsíma en margar heimasíður eru ekki þægilegar aflestrar á svo litlum skjá.

Það kostar ekkert að nýta sér þessa nýju þjónustu. En hún er nokkuð takmörkuð því aðeins er hægt að vera á netinu í tíu mínútur og bara skoða ákveðnar vefsíður. Leiðbeiningar um hvernig tækið virkar eru eingöngu á frönsku sem er líka ókostur.

Ef þessir nettengdu símaklefar slá í gegn er hugsunin að setja þá upp á víð og dreif um Frakkland árið 2012 samkvæmt frétt Berlingske Tidende.

Klefarnir eru á eftirtöldum stöðum í París: Við Eiffelturninn, Champs Élysées, Montmartre, La Villette, Place d´Italie, Saint-Michael, Saint-Germain, Grands Magasins, Montparnasse og Bercy.

NÝTT EFNI: Ódýr hótel í Kaupmannahöfn í vor
TENGT EFNI: Vegvísir – París

Mynd: Flickr / Meg Zimbeck

Share |

Ódýrara flug í skíðabrekkurnar

Nú er skíðavertíðin að hefjast í Ölpunum en framboð á flugi héðan til vel staðsettra flugvalla við fjallgarðinn verður nú meira en nokkru sinni áður. Sem fyrr ætla bæði Icelandair og Play að halda úti ferðum til Salzburg í Austurríki og sá sem bókar flug í dag fær í mörgum tilfellum ódýrari miða en sá … Lesa meira

Ætla ekki til Tel Aviv á næsta ári

Nú í sumar hélt Icelandair úti áætlunarflugi til Tel Aviv í Ísrael í fyrsta sinn en gert var ráð fyrir að gera hlé á ferðunum í vetur, frá og með miðjum október. Þegar Hamas gerði árás á Ísrael þann 7. október aflýsti félagið hins vegar þeim ferðum sem eftir voru. Utanríkisráðuneytið leigði svo þotu af … Lesa meira

Aukin réttindi farþega

Evrópusambandið hefur haft forystu um að tryggja réttindi farþega - sama hver flutningsmátinn er. Endurskoðun núverandi réttinda felur þó í sér töluverðar úrbætur og aukin réttindi. Aðildaríki eru hvött til að sýna meira frumkvæði í stað þess að bregðast einungis við kvörtunum.

Milljón bílar

Breskir bílaframleiðendur gera ráð fyrir að smíða eina milljón bíla á þessu ári - töluvert fleiri en spáð hafði verið en færri en fyrir heimsfaraldur. Ríkisstjórnin hefur varið háum fjárhæðum í styrki til að örva framleiðsluna og afkastamiklir framleiðendur fjárfest mikið í nýjum verksmiðjum.

Útgerðir leiðangursskipa lýsa andstöðu við innviðagjald

Í fyrstu drögum áætlunar um aðgerðir í tengslum við ferðamálastefnu til ársins 2030 kemur fram hugmynd um að lagt verði á sérstakt innviðagjald á skemmtiferðaskip sem flytja ferðamenn til Íslands og fara með þá hringinn í kringum það. „Gjaldtakan miðist við að jafna samkeppnisstöðu innlendra og erlendra aðila,“ segir í fyrstu tillögum starfshópa ferðamálaráðherra, sem … Lesa meira