Nota iPad til að vísa gestum veginn

Starfsmenn Intercontinental hótelanna krota ekki lengur á landakort þegar þeir aðstoða hótelgesti við að rata í útlöndum. Þess í stað draga þeir upp iPad, nýjustu Apple græjuna, til að sýna þeim staðsetningar á landakortum Google. Tæknin gerir starfsfólkinu líka kleift að blaða í gegnum matseðla veitingahúsa á skjánum með gestunum og sýna þeim myndir frá markverðum stöðum í borginni.

Þessi viðbót við tækjakost Intercontinental var kynnt starfsfólkinu í byrjun mánaðarins þegar iPad kom á markað. Haft er eftir einum af stjórnendum hótelkeðjunnar á netsíðu The Times að það sé mjög algengt að hótelgestir leiti eftir ráðum starfsmanna í lobbíi og dyravarða. Þessi litla tölva gerir þá þjónustu markvissari að mati stjórnandans.

Ekki fylgi sögunni hvernig gestirnir fóta sig þegar þeir eru komnir út á götu því ekki stendur þeim til boða að taka tölvuna með sér. Gamla góða landakortið verður sennilega fyrir valinu hjá þeim flestum og lifir það því enn góðu lífi.

NÝTT: Barcelona bragðast betur – ódýrir veitingastaðir í borginni

Mynd: Flickr.com / John Karakatsanis

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira