Samfélagsmiðlar

Pabbi Sarkozy opnar málverkasýningu

Hinn rúmlega áttatíu ára gamli Pál Sarkozy, faðir Frakklandsforseta, sýnir eigin listsköpun í galleríi í París næstu vikurnar. Málverk af forsetahjónunum og nöktum konum verða áberandi á sýningunni.

Pál Sarkozy er ungverskur aristókrati sem flúði heimalandið árið 1948 þegar kommúnistar tóku þar völdin. Hann settist að í Frakklandi og vann fyrir sér sem teiknikennari og síðar auglýsingahönnuður. Í ellinni hefur hann einbeitt sér að listmálun og í þýska blaðinu Spiegel eru verk hans sögð vera raunsæ en samt eilítið draumkennd. 

Samband listamannsins við son sinn mun ekki vera sérstaklega gott. Pál hefur viðurkennd að hann hafi verið mikill kvennamaður og skildi við barnsmóður sína þegar synir hans voru mjög ungir. Sá gamli er ennþá með kvenfólk á heilanum og málar mikið af nöktum konum. Myndir af syninum og tengdadótturinni, Carla Bruni, verða líka þónokkrar á sýningunni ef marka má fréttir af atburðinum.

Sýningin opnar á Escape Pierre Cardin galleríinu undir lok mánaðarins. Verkin kosta flest um átta þúsund evrur sem samsvarar tæpri einni og hálfri milljón íslenskra króna. Það er þó líklega frítt inn og þeir sem eru að leit að ódýrri skemmtun í París í vor ættu því að kíkja við í þetta gallerí í námunda við Sigurbogann.

NÝTT EFNI: Borg og baðströnd í sömu ferð
TENGT EFNI:
Sjá og gera í París

Mynd: Wikicommons

 


 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …