Samfélagsmiðlar

Hótel án starfsfólks

Gestirnir á nýjasta hótelinu í Kaupmannahöfn sjá sjálfir um að tékka sig inn enda er þar ekkert starfsfólk. Á móti kemur að gistingin er ódýr.

Það er leit að jafn ódýru hóteli í Kaupmannahöfn eins og Omena hótelinu sem opnaði skammt frá aðallestarstöðinni, Hovedbanegården, á þriðjudaginn. Nóttin kostar frá 299 dönskum krónum sem jafngildir rúmum sex þúsund íslenskum. Ástæðan fyrir því að verðið er svona lágt er sú að á hótelinu er eiginlega ekki neitt starfsfólk fyrir utan hreingerningafólkið. Það er ekkert lobbí, enginn veitingastaður og auðvitað enginn dyravörður. Þess í stað slá gestirnir inn fimm stafa kóða þegar þeir vilja fara inn og út. Kóðann fá þeir sendan þegar gistingin er pöntuð og hann gildir jafnt að útidyrunum sem og herberginu sjálfu.

Það eru fjögur rúm á öllum herbergjunum á Omena og gistingin kostar það sama hvort sem einn sefur þar eða fjórir. Á herbergjunum er líka bað, stórt sjónvarp, örbylgjuofn, kæliskápur og frítt internetsamband. Ferðavanar fjölskyldur sem þurfa ekki á leiðsögn starfsmanna í lobbíi að halda geta því sparað sér umtalsverðan pening í gistingu með því að velja þennan nýja kost.  

Omena hótelið er hluti af finnskri hótelkeðju sem hingað til hefur haldið sig í heimalandinu en hefur nú stigið fyrsta útrásarskrefið. Áformað er að opna fleiri hóteli í Skandinavíu á næstunni.

TENGDAR GREINAR: Ódýr hótel í Kaupmannahöfn og Vegvísir Kaupmannahöfn
NÝJAR GREINAR:
Kofasæla á Jótlandi og Brooklyn-brúin fær andlitslyftingu

Mynd: Omena Hotel 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …