Samfélagsmiðlar

Kreditkortið í hættu á hótelinu

Það eru ekki bara vasaþjófar sem ræna ferðamenn heldur líka tölvuþrjótar sem stela kreditkortaupplýsingum frá gististöðum.

Það hefur færst mjög í vöxt að hótel verði fyrir barðinu á tölvuþrjótum. Þau liggja oft á miklu magni af verðmætum kreditkortaupplýsingum og yfir þær vilja bófarnir komast samkvæmt skýrslu bandaríska öryggisfyrirtækisins Trustwave. Þessi illa fengnu kreditkortanúmer eru síðan notuð til að kaupa vörur og þjónustu á netinu.

Íslenskir korthafar hafa ekki komið illa út úr þessari þróun samkvæmt upplýsingum frá Valitor. Þar á bæ hafa menn ekki orðið varir við sérstaka aukningu í stuldi á kortaupplýsingum frá hótel og veitingastöðum og tilfelli sem þessi eru ekki algeng. Þegar brotist er inn í tölvukerfi söluaðila og kortnúmerum stolið og misnotuð, þá er korthafinn tryggður og ber engan skaða.

Jóhannes Ingi Kolbeinsson, framkvæmdastjóri Kortaþjónustunnar segir í samtali við Túrista að öll fyrirtæki sem taka við kortanúmerum, þar á meðal hótel og veitingastaðir, þurfi að vera með búnað sem stenst öryggiskröfur alþjóðlegra kortafyrirtækja sem kallast PCI-DSS. Jóhann bendir fólki á að gefa aldrei upp kreditkortaupplýsingar í tölvupósti eða á óvörðum heimasíðum því stærsti hluti af kortanúmerastuldi á sér stað á netinu.

Það er því gott ráð fyrir ferðalanga að fara vel yfir kortayfirlitið sitt eftir að komið er heim frá útlöndum til að ganga úr skugga um að kortanúmerið hafi ekki verið misnotað.

NÝJAR GREINAR: Úthugsuð Lundúnarhótel á góðu verði og Hótel án starfsfólks


 

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …