Samfélagsmiðlar

Lappað upp á Kanarí

Ferðamönnum á Kanaríeyjum fækkaði verulega á síðasta ári. Fjórði hver eyjaskeggi er nú atvinnulaus. Yfirvöld ætla að setja mikið fé í endurbætur á hótelum eyjanna á næstunni.

Kanaríeyjar hafa lengi verið einn vinsælasti ferðamannastaður Spánar. Á síðasta ári fækkaði þó ferðamönnum á eyjunum um rúm tólf prósent. Þessar dvínandi vinsældir hafa leikið efnahag svæðisins grátt og nærri fimm þúsund fyrirtæki hafa þurft að hætta starfssemi síðustu misseri.  Atvinnuleysið mælist á milli 25 og 30 prósent. 

Til að forða svæðinu frá enn meiri þrengingum hafa spænsk stjórnvöld ákveðið að setja 122 milljónir evra í endurbætur á mannvirkjum eyjanna. Þar á meðal slitin hótel í vinsælustu ferðamannabæjunum. Lendingagjöld verða einnig lækkuð í von um að fleiri flugfélög sjái sér hag í því að fljúga til eyjanna og hrundið verður af stað markaðsátaki í þeim tilgangi að lokka til eyjanna eldri borgara frá meginlandi Evrópu.

Haft er eftir ferðamálaráðherra Kanarí í hinu norska Aftenposten að blómaskeið ferðamannaþjónustunnar á eyjunum sé sennilega liðið. En þegar best lét heimsóttu um tólf milljónir manna svæðið árlega. Áætlanir gera þó ráð fyrir allt að átta prósenta aukningu í komu ferðamanna í ár frá því síðasta.

TENGDAR GREINAR: Hótel fyrir samkynhneigða á Kanarí
NÝJAR GREINAR: Djassgeggjun í Danmörku og Úthugsuð Lundúnarhótel á góðu verði

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …