Samfélagsmiðlar

Bestu strendur Skandinavíu að mati heimamanna

Frændþjóðirnar búa það vel að geta eytt góðviðrisdögum á fallegum sandströndum. Hér eru þær strendur í Noregi, Svíþjóð og Danmörku sem þykja bestar að mati íbúanna.

Lesendur Dagens Nyheter í Svíþjóð, Berlingske Tidende í Danmörku og Bergens Tidende í Noregi hafa síðustu vikur kosið um hvaða strönd er best í viðkomandi landi. Niðurstöðurnar liggja fyrir og hér eru þær baðstrendur sem þykja frambærilegastar í Skandinavíu.

Sandhammaren – Svíþjóð

Við suðausturströndina, stutta vegalengd frá bænum Ystad, er besta baðströnd Svíþjóðar að mati lesenda Dagens Nyheter. Strandlengjan er 12 kílómetrar að lengd og þakin hvítum sandi. Sjórinn er þó ekki eins heitur og fólk á að venjast við Spánarstrendur en hann er engu að síður notalegur. Sérstaklega á heitustu dögunum. Þeir sem hyggja á strandferð á Sandhammaren ættu að taka með sér nesti því á staðnum er aðeins sjoppa sem takmarkað úrval. 

Varamon í Motala varð í öðru sæti í valinu um bestu sænsku baðströndina og Sudersand á Fårö í því þriðja.

Sjá staðsetningu á korti.

Refviksanden við Vågsøy – Noregur

Miðja vegu milli Álasunds og Bergen á vestasta hluta Noregs er baðströndin Refvik sem fékk flest atkvæði í kjörinu um bestu strendur Noregs. Sjávarhiti á þessum slóðum er því ekki hár. Á þessum slóðum eru ekki margir ferðamenn enda tekur nokkra klukkutíma að keyra frá flugvellinum í Bergen. Af öðrum ströndum sem komast á lista þeirra tíu bestu í Noregi má nefna Orrestrand við Stavanger og Bystranden við Kristianstad.

Sjá staðsetningu Refvikanden á korti.

Hvide sande – Danmörk

Þessi fjörtíu kílómetra langa strandlengja stendur svo sannarlega undir nafni því hvítur sandurinn þekur hana alla. Hafgolan getur verið nokkuð sterk á þessum slóðum og seglbretti eru því áberandi út i fyrir ströndinni. Eins og gefur að skilja er nóg pláss fyrir alla í sjávarmálinu jafnvel þó þetta svæði við vesturströnd Jótlands njóti mikilla vinsælda. Hvide Sande er líka nafn á bæ sem stendur við sjóinn og þangað er hægt að sækja alla þjónustu.

TENGDAR GREINAR: Kofasæla á Jótlandi

Bisnap strand á N-Jótlandi og Amager strand í Kaupmannahöfn urðu í öðru og þriðja sæti í vali Berlingske Tidende.

TENGDAR GREINAR: Sjá og gera í Kaupmannahöfn

Sjá staðsetningu Hvide sande á korti

NÝJAR GREINAR: Vilja skattleggja ferðamennLestarferðalag aftur í tímann
TILBOÐ: 10% afsláttur fyrir lesendu Túrista á gistingu í Kaupmannahöfn

Myndir:  pahi78 (Creative Commons), Stryn & Nordfjord AS og Visit Denmark

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Öll þau nándarhöft sem lögð voru á íþróttamenn á Ólympíuleikunum í Tókýó árið 2021 verða afnumin þegar ólympíuleikarnir í París hefjast í sumar. Í Tókýó var farið fram á það við afreksfólkið sem tók þátt í leikunum að það forðaðist alla óþarfa nánd og snertingu til að koma í veg fyrir Covid-smit.  Ólympíuleikarnir og Ólympíumót …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …