Menn drekka og konur stunda kynlíf í fríinu

Ólíkt hafast kynin að í fríinu. Ný könnun sýnir að drykkja karlmanna eykst þegar þeir ferðast á meðan konur hafa samfarir oftar en venjulega.

Á meðan að meirihluti karla situr á hótelbarnum eru fleiri konur en ella uppi á herbergi að njóta ásta. Þetta eru niðurstöður könnunar meðal viðskiptavina dönsku ferðaskrifstofunnar Star tour. Þar kemur fram að rúmlega annar hver karlmaður drekkur meira áfengi í fríinu en heima hjá sér. Það sama gildir um fjörtíu prósent kvenna. Hins vegar segir tíunda hver kona að kynlífið sé mun blómlegra í utanlandsferðum en heimafyrir. Undir það taka aðeins þrír af hverjum hundrað körlum.

Rómó að deila flösku

Danskir karlar og konur hafa líka mismunandi hugmyndir um hvað sé rómantískt og það skýrir kannski að hluta til afhverju ástarlíf sumra karla tekur ekki kipp í fríinu. Tæplega sjötíu prósent þeirra þykir nefnilega fátt rómantískara en að deila flösku með frúnni og horfa á sólina setjast. Þriðju hverri konu finnst hins vegar huggulegast af öllu að ganga hönd í hönd með sínum heittelskaða á ströndinni.

Fitna í fríinu

Þessi mikla drykkja karlpeningsins hefur þær afleiðingar að þeir bæta á sig tveimur til fimm kílóum í fríinu. Enda kjósa flestir að svala þorstanum með bjór á meðan konurnar panta sér hvítvín og þyngjast að meðaltali um tvö kíló. Haft er eftir markaðsstjóra Star tour í Jótlandspóstinum að karlar leyfi sér óhollari lífsstíl í utanlandsreisum en konur. Þeir borði meira af feitum mat á meðan konurnar passi sig og borða til dæmis ávexti í stað snakks.

NÝJAR GREINAR: Góðar nektarstrendur við Miðjarðarhaf – Í hvaða borg er best að búa?

TILBOÐ: 10% afsláttur af gistingu í Kaupmannahöfn í júlí.

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.