Samfélagsmiðlar

Noma hækkar verðið

Aukið álag á skrifstofu besta veitingastaðar í heimi er ástæðan fyrir nýlegum verðhækkunum. 

Veitingastaðurinn Noma í Kaupmannahöfn var valinn sá besti í heimi síðastliðið vor. Í kjölfarið töldu danskir blaðamenn það næsta víst að verðin á matseðlinum myndu hækka hressilega því matgæðingar heimsins myndu nú fjölmenna á staðinn og ekki setja verðið fyrir sig.

Í sumar var verðið svo hækkað en ástæðuna höfðu menn ekki séð fyrir því. Hún er nefnilega sú að nauðsynlegt reyndist að ráða nýtt starfsfólk á skrifstofu staðarins til að svara öllum þeim fjölda fyrirspurna sem berast til Noma á degi hverjum. Nafnbótin, besti veitingastaður í heimi, hefur því haft aukin kostnað í för með sér fyrir eigendurna en ekki auknar tekjur samkvæmt frétt Politiken í Danmörku.

Sjö rétta máltíð kostar eftir breytinguna 1095 danskar krónur og nemur hækkunin hundrað dönskum.

Malar ekki gull

Þrátt fyrir að biðlistinn eftir borðum á Noma sé ævintýralega langur þá er hagnaður af rekstrinum ekki mikill. Á síðasta ári nam hann rúmri hálfri milljón danskra króna sem þykir lítið borið saman við veltu og vinsældir. Rene Redzepi, yfirkokkur staðarins, hefur áður sagt að ekki komi til greina að stækka staðinn en í dag eru sæti fyrir fjörtíu manns í salnum. Verðhækkun er þá eina leiðin til að auka tekjurnar en þess bera að geta að Noma er ekki dýrasti veitingastaðurinn í Kaupmannahöfn. Það er Kong Hans Kælder þar sem sjö rétta máltíð kostar fimm dönskum krónum meira en á Noma. Meira var það nú ekki.

TENGDAR GREINAR: Billegasta Michelin maturinn á Norðurlöndum
NÝJAR GREINAR:
Hótel frá nátturunnar hendi
TILBOÐ: 10% afsláttur fyrir lesendur Túrista á hótelum í Kaupmannahöfn og Berlín

Mynd: Wonderful Copenhagen

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Öll þau nándarhöft sem lögð voru á íþróttamenn á Ólympíuleikunum í Tókýó árið 2021 verða afnumin þegar ólympíuleikarnir í París hefjast í sumar. Í Tókýó var farið fram á það við afreksfólkið sem tók þátt í leikunum að það forðaðist alla óþarfa nánd og snertingu til að koma í veg fyrir Covid-smit.  Ólympíuleikarnir og Ólympíumót …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …