Samfélagsmiðlar

Ódýr og grænblá hótel

Hin þýsku Motel One hótel standa tæplega undir nafni sem lággjaldahótel. Nema af því að þar er nokkuð ódýrt að gista.

Eggið hans Arne Jacobsen er mubla sem kostar skildinginn. Það skýtur því skökku við að sjá þessa dönsku stóla standa í anddyri hótels þar sem hægt er að fá herbergi á 49 evrur. Íburðurinn nær reyndar ekki út fyrir lobbíið því herbergin eru frekar lítil og innréttuð á látlausan hátt.

Staðsetning Motel One hótelanna er þó í flestum tilfellum góð, til dæmis á hótelinu við Alexanderplatz í Berlín þar sem útsendari Túrista gisti. Þaðan er til dæmis stutt í hjarta Mitte hverfisins, Karl Marx breiðgötuna og lestarstöðvar.

Verðlagið á Motel One er nokkuð misjafnt og eins og gefur að skilja eru dýrast að búa á best staðsettu hótelunum í vinsælustu borgunum þegar ferðamannastraumurinn er þar mestur. Þá kosta tveggja manna herbergi hátt í 130 evrur. Þrátt fyrir það stenst Motel One ágætlega allan verðsamanburð, sérstaklega þegar staðsetning og aðbúnaður eru tekin með í reikninginn. En öll þrjátíu hótel keðjunnar eru ný af nálinni og húsgögnin því ekki orðin slitin og sjúskuð. 

Það hafa sennilega fáir gestir Motel One skrifað um þau heim enda vart hægt að hugsa sér hlutlausari gistingu, ef frá er talinn þessi grænblái litur sem er á veggjunum, rúmteppunum og auðvitað egginu hans Arne.

Motel One hótelin er að finna í flestum þeim þýsku borgum sem flogið er til beint frá Íslandi; Frankfurt, Hamborg, Dusseldorf, Munchen, Stuttgart og Berlín.

Sjá heimasíðu Motel One.

TENGDAR GREINAR: Úthugsuð Lundúnarhótel á góðu verðiÞrjú misdýr hótel í Stokkhólmi
NÝJAR GREINAR: Stystu biðraðirnar eru í Svíþjóð
TILBOÐ: 10% afsláttur á gistingu í Kaupmannahöfn

Myndir: Motel One

 

  Bookmark and Share

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …