Slöpp króna er líklega aðalástæðan fyrir því að fleiri íslenskir ferðamenn venja núna komur sínar á útsölumarkaði í útlöndum. Á einum slíkum í útjaðri Parísar eru tíska síðasta árs seld fyrir lítið.
Þeim sem stendur á sama þó nýju fötin þeirra prýði ekki lengur tískuþætti á síðum Vouge geta gert góð kaup á útsölumörkuðum (Outlet) með merkjavörur. La Vallée Village kallast einn slíkur, ekki svo langt frá Disneyland skemmtigarðinum, í nágrenni Parísar. Þar eru framleiðsluvörur þekktustu tískuhönnuða heims seldar með að lágmarki þriðjungs afslætti.
Á markaðnum er líka að finna Parísartísku frá hönnuðum sem eru minna þekktir út í heimi, til dæmis Agnés B, Gerard Darel, Givenchy og Kenzo.
Það tekur um fjörtíu mínútur að taka lest (RER lína A4) frá Chatelet Les Halles lestarstöðinni í París og til Val d’Europe. Þaðan er tíu mínútna gangur til La Vallée Village. Á sumrin er þó boðið upp á sætaferðir á kortersfresti alla daga frá Val d’Europe lestarstöðinni og út á markaðinn. Á veturna er þessi þjónusta í boði á sunnudögum
La Vallée Village er opið næstum alla daga ársins frá klukkan tíu til 19.
TENGDAR GREINAR: Mýrin hefur margt að bjóða – Vegvísir París
TILBOÐ: 10% afsláttur á gistingu í Kaupmannahöfn
Mynd: La Vallée Village
Share |
