Ungabörn eiga líka að fá sérsæti

Allir flugfarþegar eiga að sitja í sínu eigin sæti að mati bandarísks slysavarnarráðs. Líka börn yngri en tveggja ára sem í dag þurfa að sitja í fanginu hjá fullorðnum.

Farmiðar ungabarna yrðu mun dýrari ef þau fengju sérsæti

Slysum á ungabörnum í flugvélum myndi fækka ef þau nytu sama öryggis og þeir sem eldri eru. Þetta er mat slysavarnarráðs vestanhafs sem beinir þeim tilmælum til flugmálayfirvalda þar í landi að breyta reglunum sem leyfa foreldrum að sitja með börn sem eru yngri en tveggja ára í flugtaki og lendingu.

Samkvæmt frétt New York Times er þetta ekki í fyrsta skipti sem þessi áskorun kemur fram en henni hefur alla jafna verið hafnað með þeim rökum að ef reglunum yrði breytt myndi það þýða að barnafjölskyldur hefðu síður efni á flugmiðum. Það hefði svo í för með sér að umferð á vegum úti myndi aukast og bílslysum fjölga.

Ungabörn greiða í dag lítið eða ekkert gjald fyrir flugmiða á meðan börn eldri en tveggja ára greiða 75% af fargjaldi fullorðinna.

NÝJAR GREINAR: Vatíkanið setur strangari reglur um klæðaburð
TILBOÐ: 10% afsláttur á gistingu i Kaupmannahöfn

Mynd: Katiew (Creative Commons)

Nýtingin í flugi Icelandair og Play til Berlínar batnaði í ágúst

Höfuðborg Þýskalands var lengi mikilvægur áfangastaður í leiðakerfi Iceland Express en félaginu tókst þó ekki að halda úti ferðunum þangað yfir háveturinn. Það heppnaðist hins vegar hjá Wow Air sem jók umsvif sín í borginni ár frá ári. Það var hins vegar ekki fyrr en Airberlin fór á hausinn árið 2017 að Icelandair hóf flug … Lesa meira

Helmingi færri flugu til Eyja en sumarið 2019

Icelandair spreytti sig á áætlunarflugi til Vestmannaeyja í sumar en lét gott heita í lok ágúst. Upphaflega áætlun félagsins gerði þó ráð fyrir ferðum út september. Síðastliðið sumar gaf flugfélagið Ernir flugið til Eyja upp á bátinn vegna lítillar eftirspurnar. Stjórnendur Icelandair gáfu sömu skýringu á ákvörðun sinni um að hætta nú í lok sumars. … Lesa meira

Stefna á tvöfalt fleiri ferðir til Flórída

Bann við komu ferðamanna frá Evrópu til Bandaríkjanna verður afnumið nú í nóvember líkt og tilkynnt var á mánudaginn. Þessi regla hefur verið í gildið síðan í mars í fyrra en ekki liggur fyrir nákvæmlega hvenær í nóvember breytingin gengur í gildi. Talsmaður Hvíta hússins lét aðeins hafa eftir sér að það yrði snemma í … Lesa meira

Fjöldi ferðamanna á hvern starfskraft tvöfaldaðist

Það voru 8.626 einstaklingar sem unnu við ferðaþjónustu árið 2009 en þeir voru nærri þrefalt fleiri árið 2018 þegar erlendir ferðamenn voru flestir hér á landi. Þá voru starfsmennirnir 22.679 samkvæmt nýrri tölfræði Hagstofunnar um vinnuafl í ferðaþjónustu. Skráðu þig inn til að lesa Þessi grein er aðeins aðgengileg áskrifendum. Smelltu hér til að kanna … Lesa meira

Lætur gott heita eftir 15 ár hjá Icelandair

Jens Þórðarson, sem gegnt hefur stöðu framkvæmdastjóra rekstrarsviðs hjá Icelandair Group, hefur óskað eftir að láta af störfum hjá félaginu. Hann er annar framkvæmdastjórinn sem hættir hjá félaginu í ár því Eva Sóley Guðbjörnsdóttir, þáverandi fjármálastjóri samsteypunnar, óskaði eftir starfslokum í sumarbyrjun. Jens hóf störf hjá Icelandair árið 2006 og starfaði fyrstu árin meðal annars … Lesa meira

Ætla loks að hleypa Evrópubúum yfir landamærin

Síðar í dag er gert ráð fyrir að ráðamenn í Hvíta húsinu tilkynni að ferðamenn frá Evrópu fái að heimsækja Bandaríkin á nýjan leik frá og með nóvember næstkomandi. En bann við ferðum Evrópubúa til landsins hefur nú verið í gildi síðan í mars í fyrra. Aftur á móti eru Bandaríkin opin íbúum fjölda landa … Lesa meira