Samfélagsmiðlar

Þar sem kaffi cortado kallast Gíbraltar

Þeir sem vilja fá jafn mikið magn af espressó og flóaðri mjólk í kaffibollann sinn finna ekki alltaf þessa spænsku blöndu, sem kallast cortado, á matseðlum kaffihúsa. Á einu slíku í Bandaríkjunum gengur drykkurinn undir dulnefni sem aðeins fastagestir þekkja.

Þrátt fyrir að cortado njóti hylli víða og sé á færi hvaða kaffibarþjóns sem er þá hafa margir sleppt því að hafa hann á boðstólum. Og þó viðskiptavinirnir bjóðist til að veita smá leiðsögn þá er afgreiðslufólkið oft tregt til að láta undan eða skýlir sér á bakvið flókið kassakerfi.

Sumstaðar er þessum drykk haldið leyndum, til dæmis á hinni rómuðu bandarísku kaffihúsakeðju Blue Bottle Coffee.  Þar gengur cortado undir dulnefninu Gíbraltar og er ekki á töflunni yfir þá drykki sem í boði eru. Það eru því aðeins fastakúnnar og túristar, sem lesa grein eins og þessa, sem vita hvernig hægt er að fá þennan góða drykk. Heitið Gíbraltar er fengið frá glasategundinni sem drykkurinn er borinn fram í.

Blue Bottle Coffee opnaði fyrr á árinu sitt fyrsta útibú í New York, nánar tiltekið í Brooklyn. Þar er eingöngu boðið upp á kaffi úr nýristuðum, lífrænt ræktuðum baunum og staðurinn laðar til sín kaffinörda úr öllum áttum. Kaffiþyrstir Íslendingar sem ætla sér að leita í örlítið hagstæðara verðlagið í Brooklyn næst þegar ferðinni er heitið til New York vita þá núna hvernig best er að verða sér út um hressingu þar sem fullkomið jafnvægi er á milli kaffisins og mjólkurinnar.

TILBOÐ: 10% afsláttur fyrir lesendur Túrista á hótelgistingu í Kaupmannahöfn
TENGDAR GREINAR: Einföld gisting í flottum umbúðum í New York
NÝJAR GREINAR: Tívolí opnar hótel við götu Árna Magnússonar

MYND: Clay McLachlan/ClayPix.com


 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …