Meistarakokkur helgar sig pinnamat

Einn rómaðasti matreiðslumaður í heimi ætlar að opna tapas veitingastað í Barcelona þegar hann lokar þriggja stjörnu Michelin-staðnum sínum.

Hvert sæti hefur verið skipað á spænska veitingastaðnum El Bulli síðustu ár. Þar borga sælkerar vænan skilding fyrir að bragða á tilraunakenndum réttum sem þykja það góðir að El Bulli hefur margsinnis verið valinn besti veitingastaður í heimi. Og er í hópi þeirra örfáu matsölustaða sem hlotið hafa þrjár stjörnur í Michelin ferðabókunum.

Þrátt fyrir verðlaunin og vinsældirnar og þá tilkynnti Ferran Adriá, eigandi staðarins og yfirmatreiðslumaður, í byrjun árs að nú væri nóg komið og að hann myndi skella í lás sumarið 2011. Hann lét ekkert uppi um framtíðaráform sín fyrr en núna á dögunum þegar hann sendi frá sér fréttatilkynningu þess efnis að hann ætli að opna tapasbar í Barcelona í byrjun næsta árs. Staðurinn hefur fengið nafnið Tickets og ef Adriá verður sjálfum sér líkur þá mun pinnamaturinn sem þar verður á borð borinn verða ólíkur því sem hingað til hefur þekkst á Spáni. Og líka dýrari.

TENGDAR GREINAR: Smáréttasvall að hætti Baska – Matur og drykkur í Barcelona
TILBOÐ: Gistiheimili og íbúðarhótel í London

Mynd: Wikicommons

Ferðapakki eða eSIM í símann?

Það getur kostað sitt að nota farsímann utan Evrópu. Ólafur Hauksson hugsaði málið áður en hann hélt til þriggja landa ferð í Asíu, hlóð stafrænu eSiM-korti í símann í hverju landi og sparaði drjúga fjárhæð við gagnaflutninga. Ferðapakkar símafélaganna kosta sitt en eru þægilegir.

Spotify segir upp 1.600 manns

Sautján af hverjum 100 starfsmönnum sænsku tónlistarveitunnar Spotify verða afhent uppsagnarbréf í dag. Á launaskrá fyrirtækisins eru um 9.300 og það verða því um sextán hundruð manns sem missa vinnuna. Starfsfólkinu verða afhent uppsagnarbréf í dag að því segir í frétt Dagens Industri. Þar er haft eftir Daniel Ek, stofnanda og forstjóra Spotify, að hann … Lesa meira

Gera tilboð í keppinautinn

Ef leitað er eftir flugi til Havaí á bókunarsíðu Icelandair þá kemur oftast upp sá kostur að fljúga með félaginu til Seattle og svo þaðan til eyjaklasans með Alaska Airlines. Flugfélögin tvö hafa nefnilega lengi átt í nánu samstarfi. Icelandair selur því ekki sæti í þotum Hawaiian Airlines sem líka flýgur þessa leið. Á þessu … Lesa meira

Auðvelda ferðalög til Kína

Nú geta Frakkar, Þjóðverjar, Hollendingar, Spánverjar og íbúar Malasíu ferðast til Kína án vegabréfsáritunar. Þessar breytingar gengu í gildi um mánaðamótin og eru liður í því að aflétta þeim ferðatakmörkunum sem gilt hafa frá því að Covid-19 veiran setti allt á annan endann fyrir nærri fjórum árum síðan. Kínversk stjórnvöld vonast til að aukinn ferðamannastraumur … Lesa meira

Aðeins tilboð frá einum íslenskum banka

Opnað var fyrir útboð fyrir fjármálaþjónustu á Keflavíkurflugvelli á fyrra hluta þessa árs og sendu þrjú fyrirtæki inn lokatilboð. ChangeGroup og Forex sem bæði sérhæfa sig í rekstri afgreiðslustaða á flugvöllum og lestarstöðvum og svo Arion banki sem sinnt hefur þessari þjónustu í Leifsstöð frá árinu 2016. Áður sá Landsbankinn um þessi mál þar á … Lesa meira