Íslendingar á heimavelli á Jótlandi

Íslendingar verða sennilega áberandi á pöllunum þegar ungmennalandsliðið í knattspyrnu tekur þátt í Evrópumótinu á Jótlandi í sumar.

Hvergi erum við Íslendingar jafn fjölmennir í útlöndum eins og í Danmörku, eða 9095 talsins samkvæmt síðustu talningu þar í landi. Í þessum stóra hópi leynist án efa áhugafólk um fótbolta sem hugsar sér gott til glóðarinnar í sumar þegar Evrópumót landsliða, skipuð ungum mönnum, fer fram á Jótlandi. Og vegna þess hversu góðar flugsamgöngur eru til þessa eina fastalands Dana má reikna með að héðan streymi fólk sem ætlar ekki að láta sjaldgæft tækifæri, til að fylgjast með íslensku knattspyrnulandsliði í úrslitakeppni, framhjá sér fara.

Íslensku fótboltadrengirnir ættu því að fá góðan stuðning í keppninni sem hefst 11. júní. Túristi ætlar af þessum sökum að fókusa á ferðamannastaðinn Jótland næstu misseri enda er af nógu að taka.

LESA LÍKA: Kofasæla á Jótlandi

Þangað sem danskar fjölskyldur fjölmenna

Byrjunarreitur margra íslenskra ferðamanna á Jótlandi er Billund flugvöllur, en þangað fljúga bæði íslensku flugfélögin í sumar. Þar í nágrenninu eru þrír af vinsælustu skemmtigörðunum í Danmörku, Lególand, Lalandia vatnsrennibrautagarðurinn og Givskud dýragarðurinn. Þangað fjölmenna danskar fjölskyldur á sumrin, sérstaklega til Lególands enda er Legóið eitt af þjóðarstoltum Dana. Heimsókn í skemmtigarðinn er því öllum dönskum börnum nauðsynleg.

Strendurnar á Vesturjótlandi eru líka rómaðar, til dæmis Hvide Sande sem var valinn besta baðströnd landsins síðasta sumar og á svæðinu þar í kring er urmull af sumarhúsum sem ferðamenn geta leigt fyrir brota brot af því sem hótelherbergi, á þessum slóðum, kostar.

Borgirnar í norðurhlutanum

Frá Billund er auðvelt að komast til Álaborgar og Árósa þar sem Íslendingar spila leiki sína í riðlakeppninni. Með lest og strætó er til dæmis hægt að komast beint frá flugvellinum og inn í miðborg Árósa á tveimur tímum. En fyrsti leikur Íslands, gegn Hvítrússum, fer þar fram 11.júní.

Borgirnar eru báðar skemmtilegar heim að sækja og þar er hægt að gera sér glaðan dag án þess að kosta of miklu til, sérstaklega ef veðrið er gott og grænu svæði borganna iða af spennandi mannlífi.

Það er því fullt tilefni til að gera Jótlandi góð skil í sumar á milli þess sem stutt er við bakið á íslenska landsliðinu.

Þessi grein er skrifuð í samstarfi við:

Myndir: Myndasafn KSÍ og Visit Danmark

TILBOÐ: Ódýr hótel í Soho, New York

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira