Samfélagsmiðlar

Bestu hótelin að mati fólksins

Hér eru þau hótel sem álitsgjafar ferðasíðunnar Tripadvisor telja þau bestu í heimi. Á listanum eru gististaðir sem venjulegir ferðamenn hafa efni á að bóka.

Þó vinsældarlista beri ekki að taka hátíðlega má stundum hafa af þeim nokkuð gagn. Einn slíkur er listi ferðasíðunnar Tripadvisor yfir bestu gististaðina. Sá er nefnilega byggður á milljónum umsagna frá fólki sem gist hefur á hótelunum. Og þar sem aðstandendur síðunnar stroka miskunnarlaust út sleggjudóma og skrum ætti Tripadvisor að gefa góða mynd af hótelunum sem þar koma fyrir.

Þetta eru gististaðirnir sem fengið hafa hæstar einkunnir hjá álitsgjöfum Tripadvisor á síðasta ári:

1. Golden Well (U Zlate Studne) í Prag, Tékklandi

Staðsetning í miðborg Prag gæti varla verið betri og útsýnið frá hótelherbergjunum er eitt af því sem gestirnir eru hvað ánægðastir með. Engin hefur heldur neitt slæmt að segja um þjónustuna á þessum fimm stjörnu hóteli þar sem passað er uppá að engin fari svangur í rúmið því eftirréttum er dreift inn á öll herbergi í lok dags. Það kostar ekki minna en tuttugu og fimm þúsund krónur að halla höfði, eina nótt, á þessu lofaðasta hóteli Tripadvisor.

2.  Anastasis Apparments á Santorini, Grikklandi

Það verður vænanlega ekki þverfótandi fyrir brúðhjónum á þessu íbúðarhóteli næstu árin. Engin gististaður í heimi er nefnilega jafn rómantískur að mati álitsgjafanna. Nóttin í ódýrustu íbúðunum kostar tæpar þrjátíu þúsund krónur.

3. Riad Le Calife, Fes, Marokkó

Þau Yasmin og Alexander kunna greinilega að taka vel á móti fólki því nöfn þeirra eru áberandi þegar rennt er yfir lofræðurnar um hótelið þeirra í Fes, næststærstu borg Marokkó. Þeir sem vilja fá að njóta þessarar rómuðu gestrisni þurfa ekki að borga hátt gjald því finna má herbergi sem kosta minna en tíu þúsund krónur. Á móti kemur að flugið héðan og til Fes kostar skildinginn.

4. Al Ponte Antico í Feneyjum, Ítalíu

Útsýnið frá hótelherbergjunum yfir eitt fallegasta byggða ból í heimi er það sem gestirnir lofa mest. Og ekki skemmir fyrir að hótelið er við hliðina á Rialto brúnni sem mynduð hefur verið í bak og fyrir. Nóttin kostar frá fjörtíu þúsund krónum.

5. La Villa Marbella, Marbella, Spáni

Starfsfólkið og staðsetning er það sem heillar gesti þessa litla og einfalda hótels í gamla bænum í Marbella. Nóttin kostar um þrjátíu og fimm þúsund. 

Hér eru listar Tripadvisor.

TILBOÐ FYRIR TÚRISTA: 10% afsláttur fyrir lesendur Túrista á gistingu í Kaupmannahöfn og Berlín
TENGDAR GREINAR: Dýrustu hótelherbergi í heimiBestu gistiheimilin

Mynd: Wikimedia – Creative Commons

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …