Samfélagsmiðlar

Delta ódýrara en íslensku flugfélögin

Fyrri hluta sumars kostar minna að fljúga með Delta en íslensku flugfélögunum samkvæmt verðkönnun Túrista.

Þann fyrsta júní hefst áætlunarflug bandaríska félagsins Delta milli New York og Keflavíkur. Upphaflega stóð til að fljúga daglega en þeim áformum var breytt í nóvember og niðurstaðan er fimm flug í viku. Þrátt fyrir það er leit að jafn metnaðarfullu íslandsflugi erlends flugfélags. Delta verður þriðji valkosturinn sem við höfum til að ferðast til austurstrandar Bandaríkjanna en Iceland Express hóf flug þangað síðasta sumar og New York hefur verið hluti að leiðarkerfi Icelandair í tugi ára.

Sparnaðurinn aldrei minni en tíu þúsund krónur

Þegar verð félaganna þriggja er skoðað kemur í ljós að það bandaríska býður töluvert lægri verð en þau íslensku frá byrjun júní og fram í miðan júlí. Helgarferð með Delta (fimmtudagur til sunnudags) kostar 53.470 krónur á þessu tímabili sem er að minnsta kosti sex þúsund krónum ódýrara en lægsta verð Iceland Express, 59.740 krónur. Verðmunurinn er ennþá meiri þegar vikuferðalag, sem byrjar og endar á föstudegi, er pantað. Þá er munurinn ekki minni en rúmlega tíu þúsund krónur. Ódýrasti miðinn hjá Delta kostar þá líka 53.370 krónur en 64.320 hjá Icelandair sem er næst ódýrast. Frá miðjum júlí hækkar verðið hins vegar hratt hjá Delta og Iceland Express verður ódýrast.

Túristi bar aðeins saman dagsetningar þar sem öll þrjú félögin fljúga en bandaríska félagið fer ekki frá Keflavík þriðjudaga og miðvikudaga. Séu aðrar samsetningar daga prófaðar geta verðið verið allt önnur.

Tvöfaldur verðmunur

Dýrasta helgarferð sumarsins (fimmtudagur til sunnudags) er með Delta þann 28. til 31. júlí. Hún kostar hún 139.579 kr. sem er næstum tvöfalt hærra verð en greiða þarf hjá Iceland Express þessa sömu helgi eða 72.200 kr.  Icelandair var aldrei með lægsta verðið í könnun Túrista en hafa ber í huga að félagið er það eina sem býður upp á fleiri en eitt flug á dag og um leið frían aðgang að afþreyingarkerfi sínu. Hjá hinum þarf að greiða sérstaklega fyrir þess háttar þjónustu. Léttar veitingar eru jafnframt seldar hjá Iceland Express en eru fríar hjá hinum.

Smellið til að sjá töflur yfir fargjöld flugfélaganna þriggja í sumar:
Helgarferðir
Vikuferðir

TENGDAR GREINAR: Þriðja nóttin frí á fínni hótelum Manhattan
TILBOÐ: Gistiheimili og hótelíbúðir í LondonÓdýrt hótel í Kaupmannahöfn

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …