Samfélagsmiðlar

Tvö glæný hótel í Berlín

Breskur einkaklúbbur og skandinavísk hótelkeðja hafa blandað sér í slaginn um ferðamenn í þýska höfuðstaðnum.

Smelltu hér til að gera verðsamanburð á hótelum í Berlín

Ferðamannastraumurinn til Berlínar hefur getið af sér mjög fjölbreyttan hótelmarkað. Þar má finna alls kyns keðjuhótel en líka mörg af óvenjulegustu gistihúsum álfunnar. Nýlega opnuðu tveir aðilar sín fyrstu hótel í borginni, Soho House og Scandic. Þar er ólíku saman að jafna.

Scandic Berlin

Bjart er yfir herbergjunum á Scandic við Potsdamer Platz
Í nágrenni við háhýsabyggðina við Potsdamer Platz er að finna sex hundruð herbergja hótelbyggingu Scandic, eina af stærstu hótelkeðjum Norðurlanda.

Húsnæðið er innréttað í frekar látlausum og náttúrulegum stíl, líkt og frændur okkar eru svo hrifnir af. Litasamsetning herbergjanna ræðst til dæmis af því hvort herbergið er vetur, sumar, vor eða haust.

Scandic hótelin eru góð fyrir fjölskyldufólk því á öllum gististöðunum eru leiksvæði og barnabíó og einnig er hægt að fá sérstakan afslátt á unglingaherbergjum. Uppskriftir frá Jamie Oliver eiga svo að tryggja að börnin borði allt sem á diskinn er sett.

Staðsetningin hentar þeim vel sem vilja vera miðsvæðis og í námunda við samgönguæðar borgarinnar.

Herbergin kosta frá 99 evrum.
Heimasíða Scandic í Berlín.

Soho House Berlin

Tignarleg húsakynni hótelsins í Mitte hverfinu
Þar sem áður voru geymd leyniskjöl kommúnistaflokks Austur-Þýskalands geta ferðamenn nú hallað höfði í stíliseruðum hótelherbergjum og um leið sett plötu á fóninn. Því á flestum herbergjunum er úrval af vínýlplötum og spilari.

Það er einkaklúbburinn Soho House sem stendur að baki þessum fjörtíu herbergja gististað í reisulegri byggingu í Mitte hverfinu, ekki svo langt frá Alexanderplatz.

Lesa grein Túrista um Soho House í London

Soho house er ekki harðlokaður félagsskapur því þar geta allir fengið gistingu þó félagsmenn njóti sérkjara. Ódýrustu herbergin kosta 95 evrur.
Heimasíða Soho House Berlín

Smelltu hér til að gera verðsamanburð á hótelum í Berlín

NÝJAR GREINAR: Þriðja nóttin frí á fínni hótelum Manhattan
TILBOÐ: Ódýrt hótel í Kaupmannahöfn

Myndir: Úr myndasafni Scandic og Soho House

Bookmark and Share

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …