Room Mate í Madrid Mario, Laura, Alicia og Oscar eru nöfnin á hótelum Room Mate keðjunnar í Madrid. Litaperur og grafík skapa poppaða stemmningu á sumum þeirra á meðan hlýleikinn svífur yfir vötnum á Alicia.
Það er því vissara að renna í gegnum myndasýninguna á heimasíðunni áður en herbergið er bókað. Staðsetningin er í öllum tilvikum góð og verðið líka.
Room Mate hótelin er líka að finna í Barcelona og New York og á nokkrum stöðum í suðurhluta Ameríku.
Næturnar kosta frá 75 evrum (um 12 þúsund krónur). Nánar á heimasíðu Room mate.