Ferðaminningar Arnar Úlfars Sævarssonar

Rútuferðaleg um Tyrkland, ógleymanleg pizza í Napólí og veikindi á fimm stjörnu hóteli er meðal þess sem Gettu betur dómarinn Örn Úlfar minnist úr utanlandsferðum sínum.

Fyrsta ferðalagið til útlanda:
Þá fór ég til Danmerkur sem smábarn með móður minni en ég var smábarn og man ekkert eftir þessu. Fyrstu utanlandsferðirnar sem ég man eftir voru siglingar með afa mínum, en hann var skipstjóri hjá Eimskip.

Best heppnaða utanlandsferðin:
Árið 2007 fór ég í mjög eftirminnilega ferð um Tyrkland með konunni minni. Istanbúl heillaði okkur upp úr skónum, bæði borgin sjálf; t.d. moskurnar, baðhúsin og veitingahúsin, en ekki síður fólkið. Ég hef hvergi kynnst annarri eins gestrisni og í Tyrklandi og það er virkilega vel tekið á móti ferðafólki. Við ferðuðumst um landið með rútum. Í mínum huga er það héraðið Cappadochia sem stendur upp úr. Þetta er hálfgert ævintýraland með mögnuðum klettamyndunum þar sem fólk hefur m.a. gert sér híbýli í gegnum aldirnar. Við skoðuðum m.a. mikla neðanjarðarborg þar sem fjöldi fólks faldi sig á tímabilum ofsókna gegn kristnu fólki.

Verst heppnaða utanlandsferðin:
Það var námskeið sem ég fór á fyrir starfsfólk auglýsingakeðjunnar McCann Erickson á fimm stjörnu hóteli í Suður-Hollandi. Ég var veikur allan tímann, gat ekki borðað neitt af lúxusmatnum og gleymdi veskinu mínu í lestinni á leiðinni til Amsterdam.

Tek alltaf með í fríið:
Síma, kreditkort, vegabréf og lesefni af léttara taginu.

Vandræðalegasta uppákoman í útlöndum:
Þegar lögreglan kom að mér og félaga mínum þegar við ákváðum að hlaupa á nærbuxunum kringum gosbrunn á torgi einu í Aix en Provence. Einnig get ég nefnt vandræðalegt augnablik þegar ég ákvað að halla skíðunum mínum upp að bíl bandaríkjamanns í Vermont. Hann jós yfir mig verðskulduðum skömmum fyrir vikið.

Besta maturinn sem ég hef smakkað á ferðalagi:
Það kemur margt til greina en af einhverjum ástæðum kemur hin stórkostlega pizza á Da Michele í Napólí fyrst upp í hugann.

Uppáhalds staðurinn í útlöndum:
Istanbúl

Draumafríið:
Ég á mér draum um að byrja í safaríferð í Tansaníu, fara þaðan og skoða lemúrana á Madagaskar og enda á Zanzibar.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira