Samfélagsmiðlar

Hallirnar í heimahéraði Jóakims prins

Búseta danska prinsins rétt við þýsku landamærin er hluti af gamalli varnaráætlun dönsku hirðarinnar.

Schackenborgarhöll þar sem Jóakim, sonur Margrét Þórhildar, býr
Við Schackenborg slottið, syðst á Jótlandi, ræktar Jóakim prins kartöflur sem fást í flestum matvöruverslunum í Danmörku. Þessi mikla dreifing segir sína sögu um umfang búskaparins sem prinsinn stundar á jörðunum sem hann fékk til umráða þegar hann gekk að eiga fyrri eiginkonu sína, Alexöndru.

Við skilnað þeirra hélt hann Schackenborg en hún flutti í villu við Svanemøllen lestarstöðina í Kaupmannahöfn. Það hefur sennilega ekki komið til greina að hann flytti lögheimili sitt annað enda er löng hefð fyrir því að fulltrúi konungsfjölskyldunnar búi á þessu landsvæði sem þýskir hertogar hafa girnst svo mjög í gegnum tíðina.

Ófriðasvæði

Schackenborg er aðeins sjö kílómetra frá landamærunum að Þýskalandi og hinir voldugu nágrannar hafa lengi gert tilkall til þessara fínu bújarða sem finna má syðst á Jótlandi. Af þeim sökum voru orustur algengar á þessum slóðum og reistu sigurvegararnir sér þá hallir til að undirstrika sigurinn og um leið efla varnirnar. Sum þessara mannvirkja standa í dag og eru opin almenningi.

Hér eru nokkrar hallir á þessu svæði sem vert er heimsækja:

Koldinghus
Koldinghus

Var upphaflega virki þegar það var byggt fyrri nærri 750 árum síðan en var síðar breytt í höll. Elstu varðveittu hlutar þessa tignarlega mannvirkis eru frá fimmtándu öld.

Schackenborg slot

Það eru ekki margar hallir í dag sem státa af því að vera lögheimili konungsfólks en í nærri 20 ár hefur Jóakim prins, sonur Margrétar Þórhildar drottningar búið þar. Þess vegna er aðeins lítill hluti af hallarbyggingunum opin almenningi. Prinsinn hefur haft það orð á sér að vera mikill gleðimaður og því viðeigandi að við Schackenborgarhöll er krá sem tilheyrir henni og þar er tilvalið að fá sér góðan danskan hádegisverð eigi maður leið um bæinn.

Glyksburg
Glyksborg (Glückburg)

Falleg höll sem byggð var á endurreisnartímabilinu og hýsir í dag menningarsögusafn og marga sögufræga listmuni. Glyksborg stendur við fallegt vatn og í garðinum eru sítrustré.

Þessi grein er skrifuð í samstarfi við:

 

 

Myndir: Denmark Media Center – Bach Fotografi, Dorthe Krogh, Gorm Casper

TENGDAR GREINAR: Fallegasta þorpið í Danmörku
TILBOÐ:
Kaupmannahöfn: Hotel Sct Thomas – 10% afsláttur fyrir lesendur Túrista

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …