Samfélagsmiðlar

Sofið í annarra manna rúmi

Hér er þrjár síður þar sem finna má fría eða ódýra heimagistingu.

Það eru margar óvenjulegar íbúðir til leigu á Airbnb.
Þeir eru blessunarlega margir útlendingarnir sem vilja ólmir skipta á íbúðunum sínum í heitu löndunum fyrir húsaskjól hér á landi. Svo er hellingur af fólki til í að leyfa þér að gista hjá sér fyrir ekki neitt.

Hér eru þrír ólíkir kostir fyrir þá sem vilja spara sér hótelgistinguna í næstu utanlandsferð.

Homeexchange.com

Af þeim rúmlega fjörtíu þúsund eignum sem eru auglýstar á Homeexchange.com eru 146 íslenskar. Það er því töluvert af Íslendingum sem borga mánaðarlega um 1200 íslenskar (9,95 dollara) fyrir að hafa íbúðina sína á skrá á síðunni og eiga möguleika á að ferðast til útlanda án þess að borga fyrir gistingu.

Í þau tæplega tuttugu ár sem Homeexchange hefur verið til hefur fyrirtækinu aldrei borist kvörtun vegna skemmdarverka eða þjófnaðar samkvæmt því sem fram kemur á heimasíðunni.

Couchsurfing.org

Fyrir mörgum árum sendi Bandaríkjamaðurinn Casey Fenton tölvupóst á 1500 reykvíska stúdenta og bað um að fá að gista á sófanum hjá þeim. Fjöldi fólks tók jákvætt í þessa beiðni hans og þá kviknaði hugmyndin að Couchsurfing.org. Í dag er að finna á síðunni heimboð frá rúmlega tveimur milljónum manna um víða veröld.

Það kostar ekkert að leita í gagnabankanum en frjáls framlög til reksturs síðunnar eru vel þegin. Gistingin kostar heldur ekki neitt en það er næstum því sjálfsögð kurteisi að færa gestgjafanum litla gjöf í þakklætisskyni.

Airbnb.com

Hjá Airbnb er hægt að finna hóflega verðlagða heimagistingu í níu þúsund borgum í 170 löndum. Og á síðunni geta líka þeir sem vilja drýgja tekjurnar leigt ferðamönnum íbúðirnar sínar. Í Reykjavík eru á fimmta tug gistimöguleika að finna og verðið á bilinu 50 til 150 dollara fyrir nóttina.

NÝJAR GREINAR: Ferðaminningar Gerðar Kristnýjar
TILBOÐ:
Kaupmannahöfn: Hotel Sct Thomas – 10% afsláttur fyrir lesendur Túrista

Mynd: Airbnb

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …