Samfélagsmiðlar

Gist í klefa í New York

Ódýr og glæný gisting fyrir þá sem eru á leið til New York í sumar.

Svona líta klefarnir á Yotel út
Yotel gististaðirnir hafa notið vinsælda meðal þeirra sem þurfa að dvelja næturlangt á flugvöllunum í Heathrow, Gatwick og Schiphol. Núna geta ferðalangar í New York bókað sér herbergi á risavöxnu Yoteli sem opnar þann fyrsta júní, nálægt Times Square. Þetta verður fyrsti gististaður fyrirtækisins sem opnar utan flugvallarsvæðis og þar verða 669 herbergi, eða klefar eins og þessi litlu herbergi eru kölluð.

Sautján fermetrar og góð nettenging

Þeir sem ætla til New York í verslunarleiðangur eru sennilega betur settir á hefðbundnu hóteli því herbergin á Yotel eru í kringum 17 fermetrar sem er með því minnsta. Það er því ekki mikið pláss en húsgögnin og innréttingarnar eru hannaðar sérstaklega inn í þetta litla rými og rúmunum er til að mynda hægt að skjóta til hliðar til að búa til auka gólfpláss. Baðherbergin útbúin klósetti og sturtu þannig að það er allt til staðar sem fólk á að venjast frá hefðbundnum herbergjum á tveggja og þriggja stjörnu hótelum. En þó hefur Yotel það framyfir marga keppinauta að bjóða uppá ókeypis nettengingu, frítt kaffi og morgunmat.

LESTU LÍKA: Hamborgari í heimsborginni

Kynningartilboð í sumar

Fram til byrjun september er hægt að finna herbergi á Yotel sem kosta aðeins 149 dollara á nótt (tæpar 17.000 kr.). Það mjög vel sloppið að finna hótel miðsvæðis í New York á því verði. Það er líka oftar en ekki kostur að búa á hóteli þar sem allt er splunkunýtt eða nýlega tekið í gegn. Yotel er því ekki galin gisting fyrir þá sem vilja prófa eitthvað nýtt og um leið spara sér nokkra dollara til að eyða í skemmtun í heimsborginni.

Heimasíða Yotel

TENGDAR GREINAR: Einföld gisting í flottum umbúðum – New York
TILBOÐ: New York: Aloft í Harlem. Splunkunýtt hótel á spennandi stað
NÝJAR GREINAR: Sjarmerandi hótel í Stokkhólmi

Mynd: Yotel

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …