25 byggilegustu borgirnar

Hér eru þær borgir sem þykja bestar til búsetu að mati tímaritsins Monocle.

Dómkirkjan í Helsinki, þeirri borg sem best er að búa í.

Veðurfarið spilar enga rullu þegar tímaritið Monocle setur saman lista yfir þær borgir sem best er að búa í. Því ef svo væri hefði höfuðstaður Finnlands væntanlega ekki endað í efsta sætinu, líkt og raunin varð í ár, enda veðrið þar álíka spennandi og hér heima.

En að mati álitsgjafa Monocle hefur Helsinki uppá svo margt annað gott að bjóða að engin borg tekur henni fram. Er þá aðallega horft til gæða heilbrigðis- og menntakerfisins, almenningssamgangna og hversu auðvelt er fyrir venjulegan launamanna að njóta þar lífsins. Einnig skiptir máli að listalífið sé í blóma, veitingastaðirnir fjölbreyttir og glæpatíðinin lág. Fjöldi grænna svæða er einnig þáttur sem Monocle-liðar horfa til.

Undanfarin ár hafa Munchen, Zurich og Kaupmannahöfn skipst á að sitja í efstu sætunum á listanum yfir byggilegustu borgirnar. En í ár var þörfum nátthrafna gert hærra undir höfði en áður og þar sem veitingastaðir og verslanir loka snemma í þessum þremur borgum þá þurftu þær að láta í minni pokann fyrir Helsinki.

Svona er listi Monocle yfir byggilegustu borgirnar árið 2011. Í sviganum eru sætin sem borgirnar vermdu á síðasta ári.

1. Helsinki (2010: 5)
2. Zurich (2010: 3)
3. Kaupmannahöfn (2010: 2)
4. Munchen (2010: 1)
5. Melbourne (2010: 9)
6.Vínarborg (2010: 8)
7. Sydney (2010: 12)
8. Berlín (2010: 11)
9.Tókýó (2010: 4)
10. Madríd (2010: 10)
11. Stokkhólmur (2010: 6)
12. París (2010: 7)
13. Auckland (2010: 20)
14. Barcelona (2010: 17)
15. Singapúr (2010: 21)
16. Fukuoka (2010: 14)
17. Hong Kong – nýtt á lista
18. Portland (2010: 22)
19. Honolulu (2010: 11)
20.Vancouver (2010: 16)
21. Kyoto (2010: 23)
22. Hamburg (2010: 24)
23. Lissabon (2010: 25)
24. Montréal (2010: 19)
25. Seattle – nýtt á lista

NÝJAR GREINAR: Sýna vetrarflugi til Íslands ekki áhuga
TILBOÐ: Kaupmannahöfn: Hotel Sct Thomas – 10% afsláttur fyrir lesendur Túrista

Mynd: Oliver Beattie/Creative Commons

Share |

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.