Samfélagsmiðlar

Allt að þrefalt lengri bið í Keflavík en á Kastrup

Meðalbiðtíminn við öryggisleitina í Keflavík er mun lengri en á Kastrup.

Flugfarþegar þurfa að jafnaði að bíða í sjö til tíu mínútur við öryggishliðið á Keflavíkurflugvelli á meðan biðin á Kastrup í Kaupmannahöfn er rúmar þrjár mínútur að meðaltali, samkvæmt upplýsingum Túrista frá flugstöðvunum.

Á Gardermoen í Osló komast 95 prósent farþega í gegnum öryggisleitina á minna en 5 mínútum og fimm prósent þurfa í mesta lagi að bíða í kortér. Tölur um meðalbiðtíma eru ekki fáanlegar hjá Norðmönnunum en út frá þessum upplýsingum má álykta að biðin á Gardermoen sé, líkt og á Kastrup, mun styttri en í Keflavík.

Hjördís Guðmundsdóttir, upplýsingafulltrúa Isavia, sem rekur flugvöllinn í Keflavík, segir að biðin þar sé oftar en ekki minni en geti líka verið lengri. Hún segir Keflavíkurflugvöll hafa sett sér markmið um að biðtíminn verði ekki lengri en 7-10 mínútur. En nýlega var bætt við hliðum í vopnaleitina til að koma til móts við aukna umferð í sumar.

Sérstakt fjölskylduhlið

Í Kaupmannahöfn hefur biðin við öryggisleitina minnkað jafnt og þétt síðustu ár. Meðal annars með tilkomu sérstakra hliða fyrir fjölskyldur sem stytta biðina fyrir þá sem ferðast með börn. Túrista er ekki kunnugt um að fleiri flugvellir bjóði uppá þessa sérþjónustu en það væri óskandi ef aðstandendur Keflavíkurflugvallar myndu fylgja þessu frumkvæði dönsku starfsbræðra sinna.

NÝJAR GREINAR: Ferðaminningar Guðrúnar Helgadóttur
TILBOÐ: Kaupmannahöfn: Hotel Sct Thomas – 10% afsláttur fyrir lesendur Túrista

Mynd: Kastrup flugvöllur – Cph.dk

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …