Samfélagsmiðlar

Ferðaminningar Svandísar Svavarsdóttur

Svandís Svavarsdóttir, umhverfisráðherra, leggur uppúr því að smakka á mat heimamanna þegar hún ferðast. Hér segir hún frá ferðalögum sínum til annarra landa.

Fyrsta ferðalagið til útlanda:
Þá fór ég með foreldrum mínum til Austur-Berlínar þar sem pabbi var í námi. Ég man nú sossum engin smáatriði frá þeirri ferð en man eftir útlenskunni og framandleikanum enda var ég bara á fjórða ári.

Best heppnaða utanlandsferðin:
Ennþá finnst mér ferð okkar Torfa, mannsins míns, um Spán sumarið 1996 eftirminnilegust. Allt var nýtt og áhugavert, við fórum víða, nutum landsins, matar og drykkjar, landslags og menningar. Ógleymanlega fjölbreytt og svo miklu meira en sá Spánn sem oftast ratar í auglýsingabæklingana.

Verst heppnaða utanlandsferðin:
Það er nú sennilega ferðin sem til stóð að fara en var aldrei farin. Ég var semsé á leið til Ungverjalands um Kaupmannahöfn en það hafði farist fyrir að láta vita af því að Kaupmannahafnarfluginu hafði verið breytt og það flutt svo hastarlega fram á daginn að fyrir lá að ég myndi missa af fluginu til Búdapest. Þarna stóð ég á Leifsstöð með farangur og ferðaplön, dröslaðist aftur í bílinn og þurfti að afmelda mig á fundinn í Ungverjalandi.

Tek alltaf með í fríið:
Sólarvörn, passann, ferðabækur, samt sem minnst af þyngslum og óþarfa. Bjartsýni og gleði.

Vandræðalegasta uppákoman í útlöndum:
Þegar ég reyndi að prútta við sleipan sölumann í Pamplóna í gegnum manninn minn sem er spænskumælandi en hafði engan áhuga á prúttinu. Kannski frekar eftirminnilegt en vandræðalegt.  

Besti maturinn sem ég hef smakkað á ferðalagi:
Mér finnst alltaf spennandi að smakka mat að hætti heimamanna. Fjölbreyttan og ferskan helst.

Uppáhalds staðurinn í útlöndum:
París er alltaf ný og alltaf ólgandi en líka stöðug, þrungin sögu og menningu.

Draumafríið:
Langur, langur tími með fólkinu mínu og utan þjónustusvæðis!

TENGDAR GREINAR: Ferðaminningar Guðrúnar Helgadóttur
TILBOÐ: Berlín: Hótelíbúðir í Mitte hverfinu- 10% afsláttur fyrir lesendur Túrista

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …