Töluverður munur var á stundvísi Icelandair og Iceland Express síðustu daga.
Flugferðum Iceland Express, til og frá Keflavíkurflugvelli, seinkaði að meðaltali um klukkutíma á síðasta þriðjungi júnímánaðar. Aðeins 17 prósent af vélum félagsins héldu áætlun. Á sama tímabili fóru tvær af hverjum þremur vélum Icelandair í loftið á réttum tíma og seinkaði flugtaki að jafnaði um tæpar tíu mínútur. Komutímar Icelandair í Keflavík stóðust í sextíu prósent tilvika.
Þetta sýna útreikningar Túrista á stundvísi flugfélaganna sem byggðir eru á upplýsingum um komur og brottfarir á heimasíðu Leifsstöðvar. Niðurstöðurnar má sjá í töflunni hér fyrir neðan.
Stundvísitölur Túrista 21. til 30.júní:
Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall flugferða á tíma | Meðalbið alls | |
Icelandair | 66% | 9.6 mín | 60% | 12,2 mín | 63% | 10,9 mín |
Iceland Express | 17% | 59,4 mín | 17% | 60,9 mín | 17% | 60,2 mín |
Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar af öllum seinkunum sem eru meira en stundarfjórðungur.
NÝJAR GREINAR: 5 bestu ódýru veitingastaðirnir í Kaupmannahöfn
Hotels.com: Sumarútsala – bókaðu gistingu með 40% afslætti
Mynd: Gilderic/Creative Commons