Samfélagsmiðlar

Stundvísitölur: Frammistaða Iceland Express skánar

klukka

Rúmlega þriðja hver vél Iceland Express, til og frá Keflavík, hélt áætlun í vikunni.

Meðalseinkun á brottförum Icelandair fyrstu sjö dagana í júlí var tæpar fjórar mínútur en 40 mínútur hjá Iceland Express. Þetta er töluverð bæting hjá báðum félögum því á tímabilinu 21. til 30. júní biðu farþegar Icelandair í tæpar tíu mínútur að meðaltali og þeir sem áttu bókað með Iceland Express þurftu alla jafna að sætta sig við klukkutíma seinkun. Þá fóru aðeins sautján prósent af vélum þess síðarnefnda í loftið á réttum tíma en núna er hlutfallið 40 prósent. Brottfarir Icelandair frá Keflavík stóðust áætlun í átta af hverjum tíu skiptum.

Þess ber að geta að frammistaða Iceland Express batnaði mjög mikið um miðja þessa viku og voru um það bil sextíu prósent af ferðum þess frá landinu á tíma.

Lággjaldaflugfélög geta verið stundvís

Í auglýsingu Iceland Express í síðustu viku bað félagið viðskiptavini sína afsökunar á slakri frammistöðu sinni júní. Þar kom jafnframt fram að markmið fyrirtækisins væri að þrjú af hverjum fjórum flugum þess væru á tíma og því bætt við að þetta væri metnaðarfullt markmið fyrir „sparnaðarflugfélag“. En þegar stundvísi sambærilegra flugfélaga er skoðuð á vef Flightstats kemur í ljós að hið norska Norwegian stenst áætlun í 90 prósent tilvika og Cimber Sterling, German Wings og Airberlin ná öll að fara í loftið á auglýstum tíma í meira en 8 af hverjum 10 skiptum. Hefðbundin flugfélög eins og SAS, KLM og Finnair standa þessum lággjaldaflugfélögum að baki. Lauslegur samanburður Túrista á stundvísi erlendra flugfélaga leiðir því í ljós að lággjaldaflugfélög eru oftar en ekki betri til að halda áætlun en önnur.

Hér eru Stundvísitölur Túrista fyrir fyrstu sjö dagana í júlí

Hlutfall brottfara á tímaMeðalseinkun brottfaraHlutfall koma á tíma
Meðalseinkun komaHlutfall ferða á tíma
Meðalbið alls
Icelandair80% (var 66%)3,7mín (var 9.6)73% (var 60%)5,5mín (var 12,2)76% (var 63%)4,6mín (var 10,9)
Iceland Express39% (var 17%)40,3mín (var 59,4)29% (var 17%)41,4mín (var 60,9)34% (var 17%)40,9mín (var 60,2)

Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar af öllum seinkunum sem eru meira en stundarfjórðungur.

TENGDAR GREINAR: 17 prósent ferða á áætlun síðustu 10 daga
Hotels.com: Sumarútsala – bókaðu gistingu með 40% afslætti

Mynd: Gilderic/Creative Commons

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …