Samfélagsmiðlar

Langt í land hjá Iceland Express þrátt fyrir bætingu

Svona gekk íslensku flugfélögunum að halda áætlun í síðasta mánuði.

Á síðasta þriðjungi júnímánaðar fór innan við fimmta hver vél Iceland Express í loftið frá Keflavík á réttum tíma samkvæmt Stundvísitölum Túrista. Báðust forsvarsmenn félagsins opinberlega afsökunar á seinaganginum og sögðu markmiðið vera að þrjú af hverjum fjórum flugum héldu áætlun. Síðan þá hefur frammistaðan batnað til muna eins og sjá má í töflunni hér að neðan. Þó er langt í land að félagið nái þessu markmiði sínu og að teljast álíka áreiðanlegt og helsti keppinauturinn. Enda hélt Icelandair áætlun í 78 prósent tilvika þegar brottfarir frá Keflavík eru skoðaðar.

Meira en hálftíma bið

Farþegar Iceland Express hafa þurft að sýna mikla biðlund undanfarnar vikur og mældist biðin eftir brottförum félagsins, síðustu tíu dagana í júní, um klukkutími að jafnaði. Í júlí hefur ástandið skánað töluvert og meðalbiðtíminn nú um 34 mínútur. Hjá Icelandair er biðin, eftir flugtaki frá Keflavík, um átta mínútur að jafnaði eins og sjá má í töflunni hér að neðan.

Stundvísitölur Túrista fyrir júlí

JÚLÍHlutfall brottfara á tímaMeðalseinkun brottfaraHlutfall koma á tíma
Meðalseinkun komaHlutfall ferða á tíma
Meðalbið alls
Icelandair78%8 mín73%7 mín75%7 mín
Iceland Express38%34 mín36%41 mín37%37 mín

Stenst ekki evrópskan samanburð

Opinberar tölur um stundvísi flugfélaga liggja ekki víða frammi. Þó má finna gagnlegar upplýsingar á heimasíðunni Flightstats yfir áreiðanleika margra flugfélaga, þar á meðal Icelandair og mælist stundvísi brottfara félagsins jafn há þar og hjá Túrista, eða 78 prósent. Upplýsingar Flightstats um Iceland Express eru hinsvegar of takmarkaðar og því ekki hægt að byggja á þeim. Nokkuð ítarleg leit Túrista í gagnagrunni Flightstats leiðir í ljós að ekkert af nafntoguðustu flugfélögum Evrópu gerir sig sekt um að halda ekki áætlun í minna en sextíu prósent tilvika. Frammistaða Iceland Express virðist því vera undantekning í álfunni.

Taflan hér að neðan sýnir nokkur dæmi um hlutfall brottfara á tíma hjá nokkrum evrópskum flugfélögum. Tölurnar fyrir íslensku félögin eru byggðar á Stundvísitölum Túrista í júlí en hinar eru fengnar á vef Flightstats og sýna stundvísina frá fimmtánda maí og fram í miðjan júlí.

Samanburður á stundvísi íslensku félaganna og nokkurra evrópskra.

1.German Wings – 90%
2.Norwegian – 88%
3.Easy Jet – 84%
4.Aeroflot – 80%
5.Icelandair -78%
6.SAS – 78%
7.Lufthansa- 74%
8.British Airways- 73%
9.Iberia – 63%
10.Iceland Express – 38%

Túristi mun halda áfram að fylgjast með stundvísi flugfélaganna og birta niðurstöðurnar reglulega.

TENGDAR GREINAR: Stundvísitölur: Litlar framfarir hjá Iceland Express
TILBOÐ: Kaupmannahöfn: Hotel Sct Thomas – 10% afsláttur fyrir lesendur Túrista

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …