Samfélagsmiðlar

Ætla að birta tölur um stundvísi sína

Iceland Express ætlar að birta vikulega upplýsingar um hversu vel ferðir fyrirtækisins halda áætlun. Ekkert verður hins vegar úr flugi félagsins til Orlando í vetur.

Óstundvísi Iceland Express hefur verið töluvert í fréttum í sumar. Stundvísitölur Túrista hafa til dæmis sýnt að í júní var innan við fimmta hver ferð félagsins frá Leifsstöð á tíma. Nú í lok sumar er ástandið hins vegar betra samkvæmt útreikningum Túrista og nærri sex af hverjum tíu vélum, til og frá Keflavík, eru á tíma.

Fyrirtækið ætlar nú sjálft að birta vikulega upplýsingar um árangur varðandi stundvísi og áætlanir, eins og það er orðað á heimasíðu fyrirtækisins. Fyrstu tölur eru væntanlegar þar á morgun.

Hætt við flug til Flórída

Í síðasta mánuði tilkynnti forstjóri Iceland Express að frá og með byrjun október ætlaði fyrirtækið að bjóða vikulega uppá ferðir til Orlando í Bandaríkjunum. Í gær leitaði Túristi svara hjá fyrirtækinu um hvers vegna ekki væri hægt að bóka far til Orlando á heimasíðu félagsins þegar svo stutt væri í fyrstu brottför. Svarið barst í hádeginu í dag og þar segir Heimir Már Pétursson, upplýsingafulltrúi Iceland Express, að hætt hafi verið við flug til Orlando. Ástæðunar séu þær að eftirspurn hópa eftir flugi til Flórída hafi ekki verið í samræmi við væntingar og eins hafi eldsneytisverð haldist hátt.

NÝJAR GREINAR: Hræódýr hádegismatur í Köben

Mynd: Deanster/Creative Commons

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …