Fjallakofi Hitlers vinsæll hjá ferðamönnum

Það var metsumar í Arnarhreiðrinu í ár.

Þrjú hundruð þúsund túristar kíktu við í Arnarhreiðrinu í sumar. Þegar Adolf Hitler varð fimmtugur gáfu félagar hans í Nasistaflokknum honum myndarlegt hús á toppi Kehlstein fjallsins í Bæjaralandi. Hið svokallaða Arnarhreiður.

Rúmum sjötíu árum síðar streyma ferðamennirnir upp í þetta athvarf einræðisherrans, þrátt fyrir sögu staðarins. Í sumar hafa til að mynda þrjú hundruð þúsund gestir komið í húsið sem er tíu prósent aukning frá síðasta ári og nýtt met samkvæmt frétt The Daily Mail.

Þjóðverjar áhugalausir

Langstærsti hluti þeirra sem gera sér ferð uppá topp Kehlstein eru bandarískir og breskir ferðamenn en heimamenn vilja frekar ganga um hlíðar þessa fallega fjalls.

Rútuferðin upp eftir kostar 20 evrur en þeir sem vilja heldur ganga mega búast við að ferðin taki þá um tvo tíma. Í húsinu sjálfu er veitingasala en ekkert safn og það er bara opið á sumrin. Sjá nánar hér.

TENGDAR GREINAR: Ferðamenn flykkjast að húsi Bin Laden
TILBOÐ: Kaupmannahöfn: Hotel Sct Thomas – 10% afsláttur fyrir lesendur Túrista

Mynd: az1172/Creative Commons

Share |

Ný þota væntanleg til Akureyrar í dag

Seinka varð flugi Niceair frá Kaupmannahöfn til Akureyrar í gær þar sem þotan sem félagið er með á leigu var kyrrsett vegna deilu leigusala og eigenda flugvélarinnar samkvæmt frétt Mbl. Þotunni var svo flogið tómri til Írlands seinnipartinn í gær en farþegar Niceair flugu til Akureyrar með annarri leiguvél. Á morgun er á dagskrá ferð … Lesa meira

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.