Samfélagsmiðlar

Hingað er ferðinni heitið í vetur

Til þessara borga verður beint flug frá Keflavík næstu mánuði.

Washington er eini nýi áfangastaðurinn sem flogið verður beint til héðan í vetur.
Umferðin um Keflavíkurflugvöll minnkar um helming á veturna. Áfangastöðunum sem við getum flogið til beint fækkar því töluvert og erlendu flugfélögin sem hingað fljúga á sumrin láta sig líka öll hverfa, nema SAS.

Þegar dagskrá Icelandair og Iceland Express fyrir komandi vetur er skoðuð kemur í ljós að höfuðborg Bandaríkjanna er eina nýja borgin á listunum. En Icelandair hóf þangað flug í vor og heldur því áfram í vetur.

Meðal annarra breytinga á vetraráætlun félagsins er daglegt flug til New York og fleiri ferðir til Seattle, Parísar og Kaupmannahafnar.

Það gleður svo væntanlega þá sem ætla til Manchester og Glasgow að í stað sameinaðs flugs til þessara borga verður nú flogið þangað beint, allt að þrisvar í vikur. Flugi til Munchen verður haldið áfram eftir áramót líkt og gert var í fyrra.

Iceland Express mun fljúga daglega til Kaupmannahafnar og London í vetur ásamt þremur vikulegum ferðum til New York og tveimur til Berlínar. Í haust verður einnig flogið til Oslóar, Varsjár og Alicante.

SAS heldur uppteknum hætti og flýgur héðan til Oslóar.

Það er von til þess að nýjungarnar verði fleiri á sumardagskrá félaganna því nú þegar hefur Icelandair tilkynnt um flug frá og með 10. maí til bandarísku borgarinnar Denver.

TENGDAR GREINAR: Sýna vetrarflugi til Íslands ekki áhugaMesta aukningin á Keflavíkurflugvelli
TILBOÐ: Kaupmannahöfn: Hotel Sct Thomas – 10% afsláttur fyrir lesendur Túrista

Mynd: Jake McGuire

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …