Næsta sumar verður þriðji stærsti flugvöllur Þýskalands tekinn í notkun.
Þeir voru lengi vel þrír alþjóðlegu flugvellirnir í Berlín. Tempelhof var hins vegar lokað fyrir þremur árum og á næsta ári heyrir Tegel, í vesturhluta borgarinnar, sögunni til. Eftir stendur þá Schönefeld í austurhlutanum þar sem nú rísa risastórar flugstöðvarbyggingar, lestarstöð og sjötíu og tveggja metra hár flugturn.
Framkvæmdum líkur í byrjun næsta sumars og þá verður nafni flugvallarins breytt í Berlin Brandenburg Airport Willy Brandt og til verður þriðji stærsti flugvöllur Þýskalands, næst á eftir Frankfurt og Munchen.
Stutt í bæinn
Gert er ráð fyrir að þrjátíu milljón farþegar fari um hinn nýja Berlínarflugvöll á hverju ári. Stærsti hluti þeirra setur vafalítið stefnuna á heimsókn til borgarinnar og það er því mikill kostur að lestarferðin mun aðeins taka 20 mínútur frá vellinum og inn í bæ.
Iceland Express flýgur héðan allt árið til Berlínar en Icelandair og Airberlin á sumrin.
Smelltu hér til að skoða tölvuteikningar af nýja flugvellinum.
TENGDAR GREINAR: Tvö glæný hótel í Berlín
NÝJAR GREINAR: Brátt geta allir hjólað í New York
Teikningar: Björn Rolle/Berlin Airport