Enn ein sparnaðarhugmyndin frá írska flugfélaginu Ryanair lítur dagsins ljós.
Það myndast oft biðraðir við salernin um borð í flugvélum. Jafnvel þó þau séu þrjú í hefðbundnu þotum. Þessir þröngu kamrar taka sitt pláss og nú hafa forsvarsmenn Ryanair viðrað þá hugmynd að fjarlægja tvö klósett og setja í staðinn sex sæti. Myndi þessi aðgerð lækka fargjaldið um allt að fimm prósent samkvæmt þeirra útreikningum.
Forstjóri félagsins, Michael O´Leary, segir í viðtali við The Independent að sjaldnast séu öll þrjú salernin um borð vélum Ryanair nýtt á styttri flugleiðum. Því vilji hann fá Boeing flugvélaframleiðandann til að endurhanna farrými vélanna svo hægt sé að koma þar fyrir fleiri farþegum á kostnað klósettanna.
NÝJAR GREINAR: Skoðum skó betur en aðrir
TENGDAR GREINAR: Aprílgapp Ryanair? – Dregur úr vexti Ryanair
Mynd: Wikicommons