Þetta kostar maturinn um borð

Það getur verið dýrt að kaupa mat fyrir alla fjölskylduna um borð í flugvél.

Flugferðin yfir á meginland Evrópu tekur sjaldnast minna en þrjá tíma og ferðalagið vestur um haf er mun lengra. Margir seðja því hungrið um borð.

Verðlagið á veitingum í háloftunum er nokkuð misjafnt hjá fyrirtækjunum þremur sem halda uppi millilandaflugi héðan í vetur eins og sjá má í niðurstöðum verðkönnunar Túrista. Þar var stuðst við upplýsingar af heimasíðum félaganna og miðað við verð á ódýrasta farrými þegar það á við.

Meira en helmings verðmunur á máltíðum

Verðmunurinn á mat er ekki ýkja mikill á milli fyrirtækjanna þriggja. Það munar þó um 260 krónum á verði á samloku hjá Iceland Express og SAS. Súkkulaðið er líka ódýrast hjá Iceland Express. Icelandair sker sig hins vegar úr því þar er ekki rukkað fyrir vatn eða aðra óáfenga drykki. Eins fá börn á aldrinum tveggja til ellefu ára fría máltíð. Til samanburðar kostar barnabox hjá Iceland Express 590 krónur. Þeir farþegar sem skola matnum niður með óáfengum drykk borga því mun minna hjá Icelandair en hinum.

Fjögurra manna fjölskylda greiðir til dæmis rúmlega fimm þúsund fyrir létta máltíð hjá SAS en 2250 krónur hjá Icelandair. Samskonar máltíð kostar 3110 hjá Iceland Express. Einstaklingur sem fær sér samloku, vatn og kaffi borgar minnst hjá Icelandair, eða 750 krónur, 1230 krónur hjá Iceland Express og 1702 krónur hjá SAS.

Í töflunni hér að neðan er að finna samanburð á verðlagi þess helsta sem finna má á matseðlunum á ódýrustu farrýmunum hjá SAS, Icelandair og Iceland Express. Ekkert mat er lagt á gæði.

Tegund Iceland Express Icelandair SAS*
Samlokur og langlokur 590 og 690 750 852
Stærri máltíð 1490 1500 og 1800 1596
Súkkulaðistykki 200 og 250 300 320
Gos og safi 250 Frítt 425
Kaffi 390 Frítt 425
Vatn 250 Frítt 425
Vín 650 750 1064
Bjór 650 600 638

 

 

 

 

 

 


* Verð hjá SAS eru umreiknuð úr dönskum krónum.

Verðsamaburður á léttri máltíð fyrir fjögurra manna fjölskylda, þar sem annað barnið er yngra en ellefu ára. Hjá SAS eru ekki til barnabox og því er miðað við að keyptar séu samlokur og drykkir handa öllum:

4 manna fjölskylda Iceland Express Icelandair SAS
Samlokur 1770 2250 3408
Barnabox 590 Frítt Ekki til
Drykkir 750 Frítt 1700
Samtals 3110 2250 5108

 

 

 

 

Máltíð fyrir einstakling:

Einstaklingur Iceland Express Icelandair SAS
Samloka 590 750 852
Drykkur 250 Frítt 425
Kaffi 390 Frítt 425
Samtals
1230
750
1702

 

 

 

 

NÝJAR GREINAR: Ferðaminningar Magnúsar Orra Schram


mynd: Zen/Creative Commons