Strangt eftirlit með skóm í Keflavík og stundvísi flugfélaganna var meðal þess efnis sem lesendur Túrista sýndu mestan áhuga í ár. Hér eru þær tíu greinar sem voru vinsælastar.
Á flugvöllum nágrannalandanna ganga flestir farþegar í gegnum öryggisleitina án þess að þurfa að fara úr skónum. Í Keflavík eru hins vegar allir skór skannaðir líkt og Túristi vakti athygli á í sumar. Sú frétt var mest lesna grein ársins á síðunni eins og sjá má á listanum hér að neðan.
Verðkannanir á flugvélamat og fargjöldum, fréttir af Íslandsflugi erlendra flugfélaga og stundvísi þeirra innlendu voru einnig meðal þess efnis sem helst var lesið sem og ferðaminningar nokkurra þjóðþekktra einstaklinga.
Vinsælustu greinar ársins:
- „Takið af ykkur skóna“ – en bara í Leifsstöð
- Norwegian hefur áætlunarflug til Íslands
- Delta dregur verulega úr Íslandsflugi
- Stundvísitölur Túrista: Framför hjá Iceland Express
- Þetta kostar maturinn um borð
- Delta ódýrara en íslensku flugfélögin
- Langt í land hjá Iceland Express þrátt fyrir bætingu
- Ekki svo einfalt með Easy Jet
- Ferðaminningar Mikaels Torfasonar
- Ferðaminningar ferðamálastjóra
Vegvísar Túrista njóta einnig mikilla vinsælda hjá lesendum síðunnar og sér í lagi sá sem fjallar um Kaupmannahöfn. Barcelona er í öðru sæti og París í því þriðja. Á næsta ári bætast fleiri vegvísar við þá fimm sem fyrir eru.
NÝJAR GREINAR: Svona minnkar þú líkurnar á að veikjast í flugvél – 10 ódýrustu lyftukortin í Ölpunum
Mynd: Túristi