Samfélagsmiðlar

Óstundvísi algengari hér en í nágrannalöndunum

Seinkanir á brottförum voru tíðari í Keflavík en á flugvöllum frændþjóðanna í sumar.

Nærri níu af hverjum tíu flugvélum sem tóku á loft frá Kaupmannahöfn, Ósló og Stokkhólmi í sumar fóru á réttum tíma. Hinsvegar seinkaði brottförum í meira en helmingi tilvika á Keflavíkurflugvelli í júní. Ástandið þar batnaði þegar leið á sumarið og í ágúst fóru 71,6 prósent véla í loftið á auglýstum tíma eða innan fimmtán mínútna. En bið uppá korter eða minna telst ekki seinkun í fluggeiranum.

Á sama tíma stóðust tímasetningar í 93 prósentum tilvika í Ósló og Stokkhólmi eins og sjá má á töflunni hér að neðan sem byggð er á upplýsingum frá viðkomandi flugvöllum.

Hlutfall brottfara á réttum tíma:

FlugvöllurJúníJúlíÁgúst
Kaupmannahafnarflugvöllur85%84%88%
Keflavíkurflugvöllur44,5%62,9%71,6%
Ósló Gardemoen85,6%88,6%93%
Stokkhólmur Arlanda84,6%85,9%92,4%

 

 

 

 

Vandinn liggur ekki hjá flugvellinum

Tíðar seinkanir á Keflavíkurflugvelli í sumar eru ekki einsdæmi því stundvísin var með mjög svipuðum hætti sumarið á undan samkvæmt Friðþóri Eydal talsmanni Isavia. Hann segir að seinkanir á auglýstum brottfarartíma flugrekenda á Keflavíkurflugvelli hafa jafnan ekkert með frammistöðu flugvallarins að gera. Ástæður seinkana sem verða af öðrum ástæðum en óviðráðanlegum veðurskilyrðum eru jafnan að finna hjá flugrekendum, flugafgreiðsluaðilum eða á öðrum flugvöllum. Aðspurður um hver markmið Isavia eru varðandi stundvísi segir Friðþór að Isavia leggji mikla áherslu á að rekstraraðilar haldi áætlun eins og best verður á kosið enda geta seinkanir haft víðtæk áhrif á flugfarþega, stæðisúthlutun við flugstöðina og þjónustuaðila.

Miklar seinkanir hjá Iceland Express

Í sumarbyrjun fór aðeins fimmtungur ferða Iceland Express frá Keflavík á réttum tíma samkvæmt stundvísitölum Túrista. Stundvísi fyrirtækisins batnaði þegar leið á sumarið og það hefur jákvæð áhrif á útkomuna fyrir Keflavíkurflugvöll í samanburði við hina vellina í júlí og ágúst. Það er þó langt í land með að tímasetningar í millilandaflugi héðan á sumrin standist eins vel og í löndunum í kringum okkur.

NÝJAR GREINAR: Við höfum úr mestu að moða í ÞýskalandiSamkeppnin eykst á tíu flugleiðum
TENGDAR GREINAR: Langflestar brottfarir á tíma

Mynd: Túristi

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …