Helmingur flugferða Iceland Express til og frá landinu hélt ekki áætlun
Í fyrri hluta nóvember voru flestar brottfarir Icelandair og Iceland Express frá Keflavík á tíma. Staðan breyttist hins vegar til hins verra á seinni helmingnum og sérstaklega hjá Iceland Express. Þá fóru 63 prósent ferða félagsins á réttum tíma en hlutfallið var 86 prósent á fyrri hluta mánaðarins. Komutímar stóðust í rúmlega þriðjungi tilvika.
Hjá Icelandair fóru flugin iðulega samkvæmt áætlun en komum seinkaði oftar eins og sjá má í töflunni hér að neðan.
Þess ber að geta að komutímar flugfélaganna 20.nóvember eru ekki með í útreikningunum vegna mistaka.
Stundvísitölur Túrista, 16. til 30. nóvember (í sviga eru niðurstöður fyrri hluta nóvember).
| 16. – 30. nóv. | Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall ferða á tíma | Meðalbið alls |
| Icelandair | 84% (93%) | 3 mín (1 mín) | 68% (85%) | 8 mín (2 mín) | 76% (88%) | 5 mín (2 mín) |
| Iceland Express | 63% (86%) | 12 mín (21 mín) | 36% (62%) | 28 mín (14 mín) | 50% (74%) | 20 mín (17 mín) |
Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum sem eru meira en stundarfjórðungur.
NÝJAR GREINAR: Meirihlutinn vildi morgunmat og nú er hann ókeypis – Ferðaminningar Mugisons – Þetta kostar maturinn um borð
TENGDAR GREINAR: Stundvísitölur: Iceland Express lætur bíða eftir sér
Mynd: Túristi
