Samfélagsmiðlar

Frítt fyrir nýjar flugleiðir

Þau flugfélög sem bjóða upp á ferðir til borga sem hingað til hafa ekki verið hluti af leiðakerfi Keflavíkurflugvallar fá felld niður lendingagjöld fyrsta veturinn og háa afslætti þar á eftir. Talsmenn Iceland Express og Icelandair fagna þessari nýju stefnu flugvallarins.

Það kostar um þrjú hundruð þúsund krónur að lenda þéttskipaðri farþegaþotu á Keflavíkurflugvelli. Nú geta hins vegar þau flugfélög sem bjóða uppá ferðir til nýrra áfangastaða komist hjá því borga þessi lendinga- og farþegagjöld. Um er að ræða nýja stefnu hjá Isavia, fyrirtækinu sem rekur flugvöllinn, til að fjölga flugleiðunum frá Keflavík.

Aðeins þau fyrirtæki sem taka upp áætlunarflug til nýrra staða yfir vetrartímann fá öll gjöldin felld niður. Yfir sumartímann fæst 75 prósent afsláttur fyrsta árið en hann fer svo stiglækkandi næstu tvö ár. Gerð er krafa um að ferðirnar séu að minnsta kosti tvær í viku.

Fellur í góðan jarðveg

Flugfélög sem uppfylla kröfur þessa nýja afsláttarkerfis geta sparað sér nokkrar milljónir á mánuði í gjöld til Isavia. Guðjón Arngrímsson, upplýsingafulltrúi Icelandair, segir forsvarsmenn félagsins ánægða með þá heilsársáherslu sem er í nýja kerfinu og það muni hjálpa við að lengja flugtímann á ákveðna áfangastaði og hefja flug yfir vetrartímann jafnvel strax næsta vetur. Hjá Iceland Express segir Heimir Már Pétursson þetta vera jákvætt skref en muni ekki hafa nein áhrif á áætlanir félagsins fyrst um sinn.

Tvær nýjar flugleiðir

Af þeim stöðum sem flogið verður beint til frá Keflavík í ár eru aðeins tveir nýir, Denver og Lyon. Flug Icelandair til fyrrnefndu borgarinnar uppfyllir kröfur Isavia um fjölda ferða á viku og því ætti félagið rétt á afslætti. Aðspurður um það segir Guðjón Arngrímsson að ákvörðunin um Denverflugið hafi verið tekin áður en þetta nýja fyrirkomulag var komið inn í myndina. Það sé ekki ljóst hvernig sú flugleið fellur inn kerfið en farið verði yfir það með Isavia á næstunni. Flug Wow Air til Lyon uppfyllir hins vegar ekki skilyrði um fjölda flugferða á viku því aðeins verður flogið einu sinni.

TENGDAR GREINAR: Kynningar á Íslandsflugi skila árangriÓstundvísi algengari hér en í nágrannalöndunum
NÝJAR GREINAR: Besta flugfélagið þriðja árið í röðFlugferðum fjölgar um fimm prósent

Mynd: Túristi

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …