Komuleyfi mögulega 10 milljarða virði

Flugbrautirnar við Heathrow í London eru fullbókaðar. Komu- og brottfararleyfi eru því margra milljarða virði samkvæmt forstjóra flugvallarins. Icelandair á tvö leyfi.

Það er eftirsóknarvert að geta boðið upp á flug til Heathrow, stærsta flugvallar í Evrópu. Þar er þó ekki pláss fyrir fleiri þotur og ekki hægt að úthluta fleiri félögum aðstöðu. Komu- og brottfararleyfi á vellinum eru því mjög verðmæt. Haft er eftir forstjóra Heathrow, í frétt á heimasíðu The Independent, að dæmi eru um að leyfi hafi verið seld fyrir 25 milljónir punda milli flugfélaga. Það samsvarar tæplega fimm milljörðum íslenskra króna.

Leyfi Icelandair eru ekki til sölu

Tvisvar á dag lenda vélar Icelandair við Heathrow. Virði þessara tveggja komu- og brottfararleyfa félagsins í London gæti því verið nærri tíu milljarðar. Aðspurður um hvort það komi til greina að selja leyfin segir Guðjón Arngrímsson, upplýsingafulltrúi Icelandair, það ekki vera til umræðu að gera breytingar á flugi til og frá Heathrow enda er það mikils virði fyrir leiðakerfi félagsins.

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.