Samfélagsmiðlar

Kapphlaupið um Köln

Þrjú fyrirtæki ætla að bjóða upp á flug héðan til Kölnar í Þýskalandi í sumar. WOW air hefur brugðist við aukinni samkeppninni með því að fjölga ódýrum sætum og lækka verð.

Í síðustu viku tilkynntu forsvarsmenn Iceland Express að þeir ætluðu að etja kappi við WOW air og þýska lággjaldaflugfélagið German Wings um hylli farþega á leið milli Keflavíkur og Kölnar í sumar. Félögin munu öll fljúga þessa leið tvisvar í viku. Þýska félagið hefur undanfarin fjögur sumur setið eitt að flugleiðinni en Köln hefur verið hluti að sumaráætlun WOW air síðan hún var opinberuð í nóvember síðastliðnum.

WOW lækkar verð

Í verðkönnun Túrista í síðasta mánuði kom í ljós að German Wings bauð upp á ódýrari fargjöld en WOW air frá Keflavík til Kölnar í júlí. Þá hafði Iceland Express ekki blandað sér í baráttuna. Núna hefur WOW air hins vegar lækkað sín verð yfir hásumarið en farið hjá þýska félaginu hefur hækkað á sama tíma samkvæmt lauslegri athugun Túrista. Aðspurður um þessar verðbreytingar segir Valgeir Bjarnason hjá WOW air að félagið hafi aukið framboð á ódýrum sætum og lækkað verð á nokkrum dagsetningum til að bregðast við aukinni samkeppni.

Eftir verðlækkanirnar er ódýrasta farið til Kölnar í júlí að finna hjá WOW air. Kostar það um sextán þúsund, aðra leiðina. Lækkun á lægsta verði félagsins í júlí nemur um ellefu þúsund krónum frá því fyrir fjórum vikum síðan. Besta verð Iceland Express er tæpar 20 þúsund krónur og ódýrasta fargjaldið í júlí hjá German Wings er á rúmar 24 þúsund sem er hækkun um tíund frá könnuninni í síðasta mánuði. Þýska félagið rukkar aukalega 1500 krónur fyrir innritaðan farangur.

Þjóðverjanir óhræddir

Andreas Engel, talsmaður German Wings, segir fyrirtækið vera vant harðri samkeppni og verðlagningin muni ekki breytast þó íslensku félögin bjóði lægri fargjöld um þessar mundir. Hann segir bókunarstöðuna á Íslandsflugi German Wings vera góða og um þriðjungur farþega komi frá Íslandi.

German Wings býður aðeins upp á næturflug frá Keflavík en íslensku félögin fljúga frá Keflavík seinnipartinn, WOW air milli fjögur og fimm en Iceland Express rétt fyrir klukkan 18.

TENGDAR GREINAR: Borgar sig að fljúga á nóttunni
NÝJAR GREINAR: Ferðaminningar Einars SchevingÞað er dýrt að nota hraðbanka í útlöndum

Mynd: Germany.travel

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …