Mun ódýrara að fljúga í júní en í apríl

Það kostar þriðjungi minna að fljúga til Kaupmannahafnar júní en í apríl ef miðinn er bókaður í dag.

Borgar sig að kaupa flugmiða til útlanda með góðum fyrirvara eða sleppur að bóka rétt fyrir brottför? Þessar vangaveltur kannast flestir ferðamenn við. Túristi ætlar að gera tilraun til að fá svar við þessari gátu og mun næstu misseri gera reglulegar verðkannanir á fargjöldum til Kaupmannahafnar og London. Borin verða saman verð á farmiðum sem bókaðir eru fjórum og tólf vikum fyrir brottför.

Í könnuninni eru fundin lægstu verð á flugi, báðar leiðir, innan tilgreindar viku hjá hverju félagi fyrir sig. Lágmarksdvöl í útlöndum er tveir sólarhringar. Easy Jet er eina félagið sem rukkar sérstaklega fyrir innritaðan farangur og þar á bæ þarf einnig að borga bókunargjald. Þessum aukagjöldum er bætt við fargjaldið í samanburðinum. Verðin voru fundin á heimasíðu félaganna í gær, 21. mars.

Lítill munur á WOW air og Iceland Express

Hjá Icelandair og Iceland Express er verðið í apríl hærra en í júní. Er munurinn allt að 32 prósent. Hjá easy Jet er þessu hins vegar öfugt farið. Sá sem bókar ferð með breska fyrirtækinu í apríl borgar því minna en sá sem ætlar í byrjun sumars og kaupir farið í dag.

WOW air býður lægsta verðið til Kaupmannahafnar og London í byrjun júní en munurinn á verðum þess, Iceland Express og easy Jet er lítill. Það síðastnefnda er hins vegar langódýrasti kosturinn fyrir þá sem ætla til London um miðjan apríl eins og sjá má á tölfunum hér að neðan. Ekki er tekið tillit til flugtíma í könnuninni því aðeins er leitað eftir ódýrustu verðum báðar leiðir innan vikunnar.

Ódýrustu farmiðarnir, báðar leiðir, til Kaupmannahafnar og London í vikum 16 og 24.

Flug til Kaupmannahafnar (verð 21/3)	Brottför í viku 16	Brottför í viku 24	Verðmunur
Iceland Express	45.558 kr.	34.558 kr.	32%
Icelandair	50.530 kr.	39.130 kr.	29%
WOW air	Byrja í júní	34.527 kr.	–

Flug til London (verð 21/3)	Brottför í viku 16	Brottför í viku 24	Verðmunur
easy Jet	36.858 kr.	40.175 kr.	-8%
Iceland Express	47.581 kr.	40.081 kr.	19%
Icelandair	55.050 kr.	43.150 kr.	28%
WOW air	Byrja í júní	39.544 kr.	–

NÝJAR GREINAR: Kapphlaupið um Köln – Ferðaminningar Einars Scheving

Mynd: Túristi

Ný þota væntanleg til Akureyrar í dag

Seinka varð flugi Niceair frá Kaupmannahöfn til Akureyrar í gær þar sem þotan sem félagið er með á leigu var kyrrsett vegna deilu leigusala og eigenda flugvélarinnar samkvæmt frétt Mbl. Þotunni var svo flogið tómri til Írlands seinnipartinn í gær en farþegar Niceair flugu til Akureyrar með annarri leiguvél. Á morgun er á dagskrá ferð … Lesa meira

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.