easyJet næstdýrast í júlí

Það kostar 8 þúsund krónum minna að fljúga með Iceland Express og WOW air til London í annarri viku júlí en easyJet. Iceland Express er líka ódýrasti kosturinn fyrir þá sem ætla til Kaupmannahafnar á sama tímabili.

Það ríkir samkeppni á flugleiðinni Keflavík-London því fjögur fyrirtæki fljúga þangað í sumar.

Sá sem vill fljúga til og frá London í viku 28 (9. til 15. júlí) greiðir tæpar 46 þúsund krónur fyrir farið með easyJet. Á sama tíma kostar farið með Iceland Express 37.400 en 37.544 hjá WOW air. Hins vegar er breska lággjaldaflugfélagið ódýrasti kosturinn ef ferðast á í viku 20 (14. til 20.maí).

Þetta sýna niðurstöður verðkönnunar Túrista þar sem fundin voru lægstu fargjöldin, báðar leiðir, til Kaupmannahafnar og London innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar.

Túristi gerði álíka verðkönnun í síðasta mánuði og mun halda áfram að fylgjast með þróun á verði fargjalda til London og Kaupmannahafnar næstu misseri.

Iceland Express ódýrast til Köben

Í sumar munu Iceland Express, Icelandair og WOW air keppa um hylli þeirra sem ætla að leggja leið sína til Kaupmannahafnar. Samkvæmt könnun Túrista á fargjöldum í viku 28 er Iceland Express ódýrasti kosturinn því farið, báðar leiðir, kostar 34.558 krónur. Það er rúmum ellefu þúsund krónum minna en ferðin kostar hjá WOW air. Icelandair er hins vegar dýrast eins og sjá má á töflunni hér að neðan.

Ódýrustu farmiðarnir, báðar leiðir, til Kaupmannahafnar og London í vikum 20 (14.-20. maí) og 28 (9.-15. júlí):

Flug til Kaupmannahafnar (verð frá 19.apr)	Brottför í viku 20	Brottför í viku 28	Verðmunur
Iceland Express	45.558 kr.	34.558 kr.	32%
Icelandair	47.230 kr.	47.030 kr.	0%
WOW air	Byrja í júní	45.607 kr.	–

Flug til London (verð frá 19.apr)	Brottför í viku 20	Brottför í viku 28	Verðmunur
easy Jet*	38.921 kr.	45.894 kr.	-15%
Iceland Express	41.581 kr.	37.400 kr.	11%
Icelandair	47.330 kr.	62.710 kr.	28%
WOW air	Byrja í júní	37.544 kr.	–

*Easy Jet rukkar sérstaklega fyrir innritaðan farangur. Verði á einni tösku er bætt við fargjaldið í samanburðinum.

Fylgstu með Túrista á Facebook
NÝJAR GREINAR: Vegabréf er þarfaþing – Á heimavelli: Kristín í París

Mynd: Visit London

Í fyrsta sinn áætlunarflug milli Íslands og Grikklands

Flugfélagið Play fór sitt fyrsta flug til Aþenu, höfuðborgar Grikklands, í morgun. Þar með er í fyrsta skipti hafið beint áætlunarflug á milli Íslands og Aþenu. Til stóð að áætlunin myndi ná frá júní og út október en vegna mikillar eftirspurnar eftir ferðum með Play til Aþenu var ákveðið að framlengja hana til janúar 2024. … Lesa meira

Fleiri en tveir áhugasamir um stóran hlut

Það styttist í hlutafjárútboð SAS en þar er ætlunin að fá fjárfesta til að leggja rúmlega 120 milljarða íslenskra króna í þetta stærsta flugfélag Norðurlanda. Um leið verða núverandi hlutabréf nærri verðlaus og þar með verður bundinn endi á veru sænska ríkisins í hópi stærstu hluthafa. Ríkisstjórn Svíþjóðar ætlar nefnilega ekki að taka þátt í … Lesa meira

Hlutdeild erlendu flugfélaganna dalar áfram

Það voru 18 erlend flugfélög sem héldu úti áætlunarferðum til Keflavíkurflugvallar í maí og tvö íslensk, Icelandair og Play. Þessir tvær hópar skipta markaðnum á milli sín með ójöfnum hætti ef svo má segja og bilið milli þeirra breikkar. Skráðu þig inn til að lesa Þessi grein er aðeins aðgengileg áskrifendum. Smelltu hér til að … Lesa meira

„Túristinn í dag vill upplifa eitthvað“

Grindavík er í senn gamalt útgerðarpláss og vettvangur mikillar nýsköpunar. Suðurstrandarvegur breytti miklu fyrir ferðaþjónustuna og nú velta menn fyrir sér að taka á móti skemmtiferðaskipum til að nýta höfnina betur. „Aðrir innviðir verða líka að þola fleiri heimsóknir," segir Kristín María Birgisdóttir, upplýsinga- og markaðsfulltrúi.

Íslensku félögin bæði mætt til Prag en sjá ekki sömu tækifærin á tékkneska markaðnum

Fyrsta áætlunarflug Icelandair til Prag í Tékklandi var á dagskrá í dag og þar með ríkir samkeppni á ný um farþega á leið milli Íslands og höfuðborgar Tékka. Play sat eitt að þessari flugleið í fyrra en fyrir heimsfaraldur hélt Czech Airlines, þjóðarflugfélag Tékka, úti tíðum ferðum til Keflavíkurflugvallar og spreytti sig líka á áætlunarferðum … Lesa meira

Ástralir vilja komast lengra í beinu flugi

Ástralska flugsamsteypan Qantas hefur pantað fjölda nýrra flugvéla til afhendingar á næsta áratug. Metnaðarfull markmið eru um beint flug frá Ástralíu til London, New York og fleiri fjarlægra staða. Stjórnendur segja viðskiptavini tilbúna að greiða meira fyrir beint flug og sá vilji eigi að tryggja tekjur framtíðarinnar.